ബസിനുളളിൽ ജീവനക്കാരനെ മരിച്ച നിലയിൽ കണ്ടെത്തി; ദുരൂഹം; പോലീസ് അന്വേഷണം തുടങ്ങി

തിരുവനന്തപുരം: ബസ് ജീവനക്കാരനെ മരിച്ചനിലയിൽ കണ്ടെത്തി. സ്വകാര്യ ബസിനുള്ളിലാണ് മൃതദേഹം കണ്ടെത്തിയത്. തിരുവനന്തപുരം പാച്ചല്ലൂരിൽ കടക്കൽ സ്വദേശി രതീഷിനെയാണ് (32) ബസിനുളളിൽ ജീവനൊടുക്കിയ നിലയിൽ കണ്ടത്.

ബസിനുള്ളിൽ തൂങ്ങി മരിച്ച രീതിയിലാണ് മൃതദേഹം ഉണ്ടായിരുന്നത്. ഇന്ന് രാവിലെയാണ് രതീഷിനെ ബസിനുളളിൽ നിന്നും കണ്ടെത്തിയത്.

ഉടൻ തന്നെ നാട്ടുകാർ പോലീസിനെ വിവരമറിയിച്ചു. പോലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു. സംഭവത്തിന് പിന്നാലെ പോലീസ് കേസെടുത്ത് അന്വേഷണം ആരംഭിച്ചു.