രാത്രി വീട്ടുമുറ്റത്ത് നിന്ന് മകന് ചൊറുവാരിക്കൊടുക്കുന്നതിനിടെ പാമ്പ് കടിച്ചു; ചികിത്സയിലിരിക്കെ യുവതിക്ക് ദാരുണാന്ത്യം; വേദനയോടെ ഉറ്റവർ!

തൃശ്ശൂർ: രാത്രി വീട്ടുമുറ്റത്ത് നിന്ന് മകന് ചൊറുവാരിക്കൊടുക്കുന്നതിനിടെ യുവതി പാമ്പ് കടിയേറ്റ് മരിച്ചു. മാപ്രാണം മാടായിക്കോണം സ്വദേശി ചെറാകുളം ഷാരോണിൻ്റെ ഭാര്യ ഹെന്നയാണ് ദാരുണമായി മരിച്ചത്. 28 വയസായിരുന്നു. ഇരിങ്ങാലക്കുട സഹകരണ ആശുപത്രിയിൽ ചികിത്സയിലിരിക്കെ ബുധനാഴ്ച പുലർച്ചെയാണ് മരണം സംഭവിച്ചത്.

ചൊവ്വാഴ്ച രാത്രി എട്ട് മണിയോടെയായിരുന്നു സംഭവം നടന്നത്. വീടിൻ്റെ മുറ്റത്ത് നിന്ന് രണ്ടര വയസുള്ള മകന് ചോറ് കൊടുക്കുന്നതിനിടെയാണ് ഹെന്നയുടെ കാലിൽ പാമ്പ് കടിച്ചത്. സംസ്കാരം വ്യാഴാഴ്ച ഉച്ചതിരിഞ്ഞ് മൂന്നിന് ഇരിങ്ങാലക്കുട സെൻ്റ് തോമസ് കത്തീഡ്രൽ പള്ളിയിൽ നടക്കുമെന്ന് അറിയിച്ചു.