17 കോടി പുതിയ തൊഴില്‍ അവസരങ്ങള്‍ ഉണ്ടാവുമെങ്കിലും 10 കോടി തൊഴിലുകള്‍ ഇല്ലാതാകും; 100-ല്‍ 59 പേരുടെയും യോഗ്യത പോരാതെ വരും; 2030 ആവുമ്പോള്‍ തൊഴില്‍ മേഖലയില്‍ സംഭവിക്കുന്നത് മിക്കവരുടെയും പണി തെറിക്കുന്ന മാറ്റങ്ങള്‍
ജനീവ: 17 കോടി തൊഴില്‍ അവസരങ്ങള്‍ ഉണ്ടാകുമെങ്കിലും 10 കോടി തൊഴിലുകള്‍ ഇല്ലാതാകുമെന്ന് റിപ്പോര്‍ട്ട്. ലോക സാമ്പത്തിക ഫോറം 2025ലെ 'ഫ്യൂച്ചര്‍ ഓഫ് ജോബ്‌സ് റിപോര്‍ട്ട് പുറത്ത് വന്നിരുന്നു. ഇതോടെ 100ല്‍ 59 പേരുടെയും യോഗ്യത ഒരു ജോലിക്ക് പോരാതെ വരും. 2030 ആവുമ്പോള്‍ തൊഴില്‍ മേഖലയില്‍ മിഖ്യവരുടെയും പണി തെറിക്കുന്ന രീതിയിലാണ് മാറ്റങ്ങള്‍ ഉണ്ടാകുന്നതെന്നാണ് റിപ്പോര്‍ട്ട്. 22 ശതമാനം തൊഴില്‍ മേഖലകളെ ബാധിക്കുമെന്ന് റിപ്പോര്‍ട്ടില്‍ പറയുന്നു.
നിലവിലെ ജോലികള്‍ക്ക് ആവശ്യമായ 40 ശതമാനം വൈദഗ്ധ്യവും 2030-ഓടെ മാറുമെന്നും റിപ്പോര്‍ട്ടില്‍ പറയുന്നു. കൂടാതെ 63 ശതമാനം തൊഴിലുടമകളും അവര്‍ക്ക് ശരിയായ വൈദഗ്ദ്ധ്യം ഇല്ലാത്തത് തെഴില്‍ വളര്‍ച്ചയ്ക്ക് ഒരു പ്രധാന തടസ്സമായും ചൂണ്ടിക്കാട്ടുന്നു. റിപ്പോര്‍ട്ടില്‍ 100 തൊഴിലാളികളില്‍ 59 പേരെയും 2030ഓടെ പുനര്‍കൗശല വികസനത്തിന് ആവശ്യമായി വരുമെന്നാണ് സൂചന. എന്നാല്‍ ഇവരില്‍ 11 പേര്‍ക്കെങ്കിലും ആവശ്യമായ പരിശീലനം ലഭിക്കാതെ പോകാനും സാധ്യതയുണ്ടെന്നും റിപ്പോര്‍ട്ടില്‍ പറയുന്നു. ഇതോടെ 120 ദശലക്ഷത്തലധികം തൊഴിലാളികളുടെ ജോലി നഷ്ടപ്പെടാന്‍ സാധ്യത ഉണ്ടാകും.
ആര്‍ട്ടിഫിഷ്യല്‍ ഇന്റലിജന്‍സ്, ബിഗ് ഡാറ്റ, സൈബര്‍സെക്യൂരിറ്റി പോലുള്ള ടെക്നോളജി സൗഹൃദ നൈപുണ്യങ്ങളിലേക്കുള്ള ആവശ്യം വളരെയധികം വര്‍ധിക്കുമെന്നും റിപ്പോര്‍ട്ടില്‍ പറയുന്നുണ്ട്. എന്നാല്‍, സൃഷ്ടിപരമായ ചിന്ത, വഴക്കത്തനം, മാനസിക തകര്‍ച്ചയ്ക്കുള്ള പ്രതിരോധം എന്നിവ പോലുള്ള മാനവിക നൈപുണ്യങ്ങള്‍ക്കും വലിയ പ്രാധാന്യം ഉണ്ടാകും. 2030 ഓടെ കാര്‍ഷിക തൊഴിലാളികള്‍, ഡെലിവറി ഡ്രൈവര്‍മാര്‍, നിര്‍മാണ തൊഴിലാളികള്‍ എന്നിവയ്ക്ക് വന്‍ ആവശ്യകത ഉണ്ടാകുമെന്നും റിപ്പോര്‍ട്ടില്‍ പറയുന്നു.
അതേസമയം, നഴ്സിംഗ് പ്രൊഫഷണലുകള്‍, സ്‌കൂള്‍ അദ്ധ്യാപകര്‍ എന്നിവരെ ഉള്‍ക്കൊള്ളുന്ന മേഖലകളിലും വളര്‍ച്ച ഉണ്ടാകും. രോഗ പരിചരണം, വിദ്യാഭ്യാസം എന്നീ ആവശ്യകമേഖലകളില്‍ ജനസംഖ്യാ വളര്‍ച്ച പ്രധാന കാരണമാകുന്നു. കാഷ്യര്‍മാര്‍, അഡ്മിനിസ്‌ട്രേറ്റീവ് അസിസ്റ്റന്റുമാര്‍, ഗ്രാഫിക് ഡിസൈനര്‍മാര്‍ എന്നിവരുടെ ജോലികള്‍ വേഗം കുറയാന്‍ സാധ്യതയുണ്ട്. ജനറേറ്റീവ് അക്‌ബോറ്മാര്‍ക്കറ്റിനെ പുനര്‍രൂപപ്പെടുത്തുന്നുവെന്നും റിപ്പോര്‍ട്ട് പറയുന്നു.
കൗശലവികസനം, പുനര്‍കൗശല പരിശീലനം എന്നിവയിലേക്ക് സര്‍ക്കാര്‍, വ്യാപാരസ്ഥാപനങ്ങള്‍, വിദ്യാഭ്യാസ മേഖലയെ ഉള്‍പ്പെടുത്തുന്ന സമൂഹപരമായ ഇടപെടലുകള്‍ ആവശ്യമാണെന്ന് ലോക സാമ്പത്തിക ഫോറം പറയുന്നു. 2030 ലെ തൊഴിലവസരങ്ങളിലേക്ക് കടക്കാന്‍ തൊഴില്‍ രംഗത്തെ പാതകള്‍ തുറക്കുക അനിവാര്യമാണെന്ന് 2025 ജനുവരിയില്‍ ദാവോസില്‍ നടക്കുന്ന ലോക സാമ്പത്തിക ഫോറം വാര്‍ഷിക യോഗം ചൂണ്ടിക്കാണിക്കുന്നു.