20 വര്‍ഷത്തിന് ശേഷം റാഗിങ് ബില്ലില്‍ ഭേദഗതി കൊണ്ടുവരാന്‍ സര്‍ക്കാര്‍; ഡിജിറ്റല്‍ രൂപത്തിലെ പീഡനവും, ബോഡി ഷെയ്മിങ്ങും റാഗിങ് പരിധിയില്‍ പെടും; ലഹരി ഉപയോഗിക്കാന്‍ ഭീഷണിപ്പെടുത്തിയാലും റാഗിങ്; സ്‌കൂളുകളില്‍ നിരീക്ഷണ സെല്ലുകള്‍ വേണം; റാഗിങ്ങിന് ശിക്ഷ മൂന്ന് വര്‍ഷം തടവും പിഴയും
തിരുവനന്തപുരം: ഇരുപത് വര്‍ഷത്തിനേറെക്കാലങ്ങള്‍ക്ക് ശേഷം കേരളത്തിലെ റാഗിങ് നിരോധന നിയമം കര്‍ക്കശമാക്കി പുതുക്കാനൊരുങ്ങുകയാണ് സംസ്ഥാന സര്‍ക്കാര്‍. '2025-ലെ കേരള റാഗിങ് നിരോധന (ഭേദഗതി) ബില്‍'' എന്ന പേരിലുള്ള കരട് നിയമം അടുത്ത നിയമസഭാ സമ്മേളനത്തില്‍ അവതരിപ്പിക്കാനാണ് തീരുമാനം. കൗമാര വിദ്യാര്‍ഥികള്‍ സാധാരണ ചെയ്യാത്ത പ്രവൃത്തികള്‍ നിര്‍ബന്ധിപ്പിക്കല്‍, ഇന്റര്‍നെറ്റിലൂടെയോ സോഷ്യല്‍ മീഡിയയിലൂടെയോ നടത്തുന്ന അപമാനകരമായ സൈബര്‍ പീഡനം, ബോഡി ഷെയിമിങ് അടക്കമുള്ള ശാരീരികമാനസിക വര്‍ഗ്ഗീയ/വൈരമായ അപമാനിക്കല്‍ ഇതൊക്കെയും ഇനി റാഗിങ്ങിന്റെ പരിധിയിലേക്ക് മാറും.
നവാഗതരെ മദ്യമോ മറ്റു ലഹരിവസ്തുക്കളോ ഉപയോഗിക്കാന്‍ പ്രേരിപ്പിച്ചാലും അത് റാഗിങ്ങായി പരിഗണിക്കും. റാഗിങ്ങിന് പ്രേരിപ്പിക്കുന്നതും ഇതിനായി ഗൂഢാലോചന നടത്തുന്നതും നിയമത്തിന്റെ പരിധിയില്‍വരും. കുറ്റകരമായ രീതിയിലുള്ള ബലപ്രയോഗം, മാനംകെടുത്തല്‍, മുറിവേല്‍പ്പിക്കല്‍, ലൈംഗികാതിക്രമം, അതിക്രമിച്ചുകടക്കല്‍, ഭീഷണിപ്പെടുത്തല്‍ തുടങ്ങിയവയും റാഗിങ്ങാണ്.
റാഗിങ് തെളിഞ്ഞാല്‍ പരമാവധി മൂന്നു വര്‍ഷം തടവും 25,000 രൂപവരെയുള്ള പിഴയും ലഭിക്കും. വിദ്യാര്‍ഥിസ്ഥാപനങ്ങള്‍ക്ക് സസ്പെന്‍ഷന്‍, പുറത്താക്കല്‍, പ്രവേശനം റദ്ദാക്കല്‍ തുടങ്ങിയ അകാദമിക് ശിക്ഷകള്‍ കൂടി നടപ്പിലാക്കും. തക്ക തെളിവില്ലാതെ വ്യാജ പരാതിയുമായി വരുന്നതിനും ശിക്ഷ ഉണ്ടായിരിക്കും. ആറുമാസംവരെ തടവും പിഴയും നല്‍കാനാണ് ബില്ലില്‍ പറയുന്നത്.
റാഗിങ് ഇല്ലാതാക്കുന്നതിന് ഒരു സംസ്ഥാനതല നിരീക്ഷണസമിതിയുണ്ടാക്കും. അദ്ധ്യാപക,അനധ്യാപക, വിദ്യാര്‍ഥി, മാധ്യമപ്രതിനിധികളടങ്ങിയ റാഗിങ്‌വിരുദ്ധ സമിതിയും ഉണ്ടായിരിക്കും. സ്റ്റേഷനിലെ എസ്.എച്ച്.ഒ എക്സ് ഒഫീഷ്യോ അംഗമായിരിക്കേണ്ട 'റാഗിങ്‌സ്‌ക്വാഡും' സ്‌കൂളില്‍ ഉണ്ടായിരിക്കണം. സ്വകാഡ് രൂപീകരണത്തിന് നേതൃത്വം നല്‍കേണ്ടത് സ്‌കൂളിലെ പ്രധാന അധ്യാപികയുടെ ഉത്തരവാദിത്വമാണ്. എല്ലാ സ്ഥാപനങ്ങളിലും ഒരു റാഗിങ് വിരുദ്ധ സ്‌ക്വാഡും മെന്ററിങ് സെല്ലും ഉണ്ടാകണം.
വയനാട് പൂക്കോട് വെറ്ററിനറി കോളേജ് വിദ്യാര്‍ഥി ജെ.എസ്. സിദ്ധാര്‍ഥന്റെ മരണത്തിന്റെ പശ്ചാത്തലത്തിലാണ് നിലവിലെ നിയമം കൂടുതല്‍ കര്‍ക്കശമാക്കാന്‍ തീരുമാനിച്ചത്. വിദ്യാഭ്യാസ സ്ഥാപനത്തിനുള്ളിലേതു കൂടാതെ പുറത്തും റാഗിങ്ങിന് നിരോധനമുണ്ടാകും.