ജോലിത്തിരക്കിനിടയിൽ ഷീറ്റിന് മുകളിൽ ഫോൺ വെച്ചു; തക്കം നോക്കി പമ്മിയെത്തി കുരങ്ങച്ചൻ; ഞൊടിയിടയിൽ ഫോൺ തട്ടിയെടുത്ത് മരത്തിന് മുകളിൽ ചാടി കയറി; മക്കളെ..ഫോൺ താഴെയിടഡായെന്ന് അലറി വിളിച്ചിട്ടും മൈൻഡ് ഇല്ല; ഇടയ്ക്ക് കോൾ വന്നപ്പോൾ അറ്റൻ‍ഡ് ചെയ്ത് ചെവിയിൽ വെച്ച് വികൃതി; കണ്ടുനിന്നവരുടെ കിളി പോയി;പിന്നെ നടന്നത്!
മലപ്പുറം: മനുഷ്യരെപ്പോലെ പെരുമാറുന്ന ജീവിയാണ് കുരങ്ങുകൾ. കുരങ്ങന്മാരുടെ കുസൃതി നിറഞ്ഞ വീഡിയോകൾ സോഷ്യൽ മീഡിയയിൽ എപ്പോഴും വൈറലാണ്. അവർ ഇടപഴുകുന്ന രീതിയെല്ലാം ഒരു മനുഷ്യനെപോലെ ആയിരിക്കും.
കട്ടിൽ നിന്നും നാട്ടിൽ ഇറങ്ങുന്ന ഇവർ നാട്ടുകാർക്ക് തന്നെ ഭീഷണി ആകാറുണ്ട്. ഇപ്പോൾ അങ്ങനെയൊരു രസകരമായ സംഭവമാണ് മലപ്പുറം തിരൂരിൽ നടന്നിരിക്കുന്നത്.
തിരൂരിൽ ഒരു കെട്ടിടത്തിന് മുകളിൽ അലൂമിനിയം ഫാബ്രിക്കേഷൻ ജോലിയിൽ ഏർപ്പെട്ടിരുന്ന യുവാവിന്റെ മൊബൈൽ ഫോണാണ് കുരങ്ങൻ കവർന്നത്. ജോലിത്തിരക്കിനിടയിൽ തൊട്ടടുത്ത ഷീറ്റിന് മുകളിൽ ഫോൺ വെച്ച് ജോലിയിൽ മുഴുകിയിരിക്കുകയായിരുന്നു യുവാവ്.
ഷീറ്റിന് മുകളിലേക്ക് ഓടിക്കയറിയ കുരങ്ങൻ ഫോണുമായി ഞൊടിയിടയിൽ തെങ്ങിൻ മുകളിലേക്ക് ഓടിക്കയറുകയായിരുന്നു. ബഹളം വെച്ചതോടെ കുരങ്ങൻ കൂടുതൽ ഉയരത്തിൽ എത്തി. പിന്നീട് കമുകിന് മുകളിലേയ്ക്കും വലിഞ്ഞ് കേറി. ഇതോടെ യുവാവും കൂടെ തൊഴിൽ എടുക്കുന്നവരും നാട്ടുകാരും ചേർന്ന് ഫോൺ താഴെയെത്തിക്കാനുള്ള ശ്രമങ്ങളിലായി.
ഫോൺ തിരിച്ചു കിട്ടാൻ കൂടെ നിന്നവരെല്ലാം ശ്രമിച്ചെങ്കിലും ശ്രമങ്ങളെല്ലാം വിഫലമായി. ഇതിനിടയ്ക്ക് ഫോൺ റിംഗ് ചെയ്തപ്പോൾ കുരങ്ങൻ ബട്ടൺ അമർത്തി ചെവിയിൽ വെയ്ക്കുകയും ചെയ്യുകയായിരുന്നു. ഇതോടെ കണ്ടു നിന്ന നാട്ടുകാരെല്ലാം അദ്ഭുതപ്പെട്ടു.
നിരവധി തവണ യുവാവും സംഘവും കല്ലെടുത്ത് എറിഞ്ഞ് നോക്കിയെങ്കിലും ശ്രമം വിഫലമായി. കുരങ്ങനെ പിടികൂടാനായി പിന്നീട് ശ്രമം. അതിനിടെ മറ്റൊരു കവുങ്ങിലേയ്ക്ക് ചാടുന്നതിനിടയിൽ മൊബൈൽ ഫോൺ താഴെ വീണു. മണിക്കൂറുകൾ നീണ്ട ശ്രമങ്ങൾക്കൊടുവിൽ മൊബൈൽ തിരിച്ച് കിട്ടിയ സന്തോഷത്തോടെ യുവാവും കൂട്ടുകാരും മടങ്ങുകയും ചെയ്തു.