തലയ്ക്കുള്ളില് സ്ഫോടനം, മൂക്കിലൂടെ ചോര; സൈനികര് രക്തം ഛര്ദ്ദിച്ചു വീണു; റഷ്യന് മിസൈലുകളെ കളിപ്പാട്ടങ്ങളാക്കി ട്രംപിന്റെ 'ഡിസ്കോംബുലേറ്റര്'! പുടിന്റെയും ഷി ജിന്പിംഗിന്റെയും ടെക്നോളജിയെ ചവറ്റുകുട്ടയിലാക്കി സോണിക് ബോംബ്; മഡുറോയെ പൂട്ടിയ രഹസ്യായുധം വെളിപ്പെടുത്തി അമേരിക്ക; ശത്രുക്കള് ഭയന്നോടണം; ലോകത്തെ വിറപ്പിച്ച് ട്രംപിന്റെ പുതിയ കളി
റഷ്യന് മിസൈലുകളെ കളിപ്പാട്ടങ്ങളാക്കി ട്രംപിന്റെ 'ഡിസ്കോംബുലേറ്റര്'
വാഷിംഗ്ടണ്: ലോകത്തെ അമ്പരപ്പിച്ചുകൊണ്ട് വെനസ്വേലയില് അമേരിക്ക നടത്തിയ മിന്നല് നീക്കത്തിന് പിന്നിലെ രഹസ്യം വെളിപ്പെടുത്തി പ്രസിഡന്റ് ഡൊണാള്ഡ് ട്രംപ്. നിക്കോളാസ് മഡുറോയെ പിടികൂടാന് ഉപയോഗിച്ചത് 'ഡിസ്കോംബുലേറ്റര്' (The Discombobulator) എന്ന് പേരിട്ടിരിക്കുന്ന അതീവ രഹസ്യമായ സോണിക് (ശബ്ദതരംഗ) ആയുധമാണെന്ന് ട്രംപ് സ്ഥിരീകരിച്ചു. ന്യൂയോര്ക്ക് പോസ്റ്റിന് നല്കിയ അഭിമുഖത്തിലാണ് അമേരിക്കയുടെ കൈവശം മാത്രം ഉള്ള ഈ വിനാശകാരിയായ ആയുധത്തെക്കുറിച്ച് ട്രംപ് മനസ്സ് തുറന്നത്.
ശത്രുവിന്റെ സകല സംവിധാനങ്ങളും ജാം ചെയ്തു
ജനുവരി 3-ന് നടന്ന ഓപ്പറേഷനിടെ വെനസ്വേലന് സൈന്യത്തിന് ഒരു മിസൈല് പോലും വിക്ഷേപിക്കാന് കഴിഞ്ഞില്ലെന്ന് ട്രംപ് വെളിപ്പെടുത്തി. 'അവര് ബട്ടണുകള് അമര്ത്തിക്കൊണ്ടിരുന്നു, പക്ഷെ ഒന്നും സംഭവിച്ചില്ല. റഷ്യന്, ചൈനീസ് നിര്മ്മിത മിസൈലുകളെല്ലാം ഈ ആയുധത്തിന് മുന്നില് നിശ്ചലമായി,' ട്രംപ് പറഞ്ഞു. ശത്രുക്കളുടെ ആശയവിനിമയ സംവിധാനങ്ങളെയും പ്രതിരോധ ഉപകരണങ്ങളെയും പൂര്ണ്ണമായും പ്രവര്ത്തനരഹിതമാക്കാന് ഈ ഉപകരണത്തിന് സാധിക്കും.
മനുഷ്യശരീരത്തില് ഏല്പ്പിക്കുന്ന ആഘാതം
വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ് പങ്കുവെച്ച ഒരു വെനസ്വേലന് സുരക്ഷാ ഉദ്യോഗസ്ഥന്റെ സാക്ഷ്യപ്പെടുത്തല് ഈ ആയുധത്തിന്റെ ഭീകരത വ്യക്തമാക്കുന്നു. തലയ്ക്കുള്ളില് സ്ഫോടനം നടക്കുന്നത് പോലെ അനുഭവപ്പെട്ടു. ആയുധം പ്രയോഗിച്ച ഉടനെ സൈനികരുടെ മൂക്കിലൂടെ ചോരയൊലിക്കുകയും പലരും രക്തം ഛര്ദ്ദിക്കുകയും ചെയ്തു. എഴുന്നേറ്റു നില്ക്കാന് പോലും കഴിയാത്ത വിധം എല്ലാവരും തറയില് വീണുപോയി. പുകയോ ശബ്ദമോ ഇല്ലാത്ത ഈ ആക്രമണം തങ്ങളെ പൂര്ണ്ണമായും നിസ്സഹായരാക്കിയെന്ന് ഉദ്യോഗസ്ഥന് പറയുന്നു.
ലോകം ഞെട്ടലില്; റഷ്യ അന്വേഷണം തുടങ്ങി
അമേരിക്കയുടെ ഈ വെളിപ്പെടുത്തല് ആഗോള തലത്തില് വലിയ ചര്ച്ചയായിട്ടുണ്ട്. റഷ്യന് വക്താവ് ദിമിത്രി പെസ്കോവ് ഈ ആയുധത്തെക്കുറിച്ച് ആശങ്ക പ്രകടിപ്പിക്കുകയും അന്വേഷണം തുടങ്ങുമെന്ന് വ്യക്തമാക്കുകയും ചെയ്തു. അമേരിക്കന് സൈന്യത്തിന് മാത്രം അവകാശപ്പെട്ട ഈ സാങ്കേതികവിദ്യ ഭാവി യുദ്ധങ്ങളുടെ സ്വഭാവം തന്നെ മാറ്റുമെന്നാണ് വിലയിരുത്തപ്പെടുന്നത്.
മയക്കുമരുന്ന് കടത്ത് ആരോപണങ്ങളെത്തുടര്ന്ന് ജനുവരി 3-നാണ് മഡുറോയെ പിടികൂടാന് ദൗത്യം നടന്നത്. ഈ ദൗത്യത്തിനിടെ 47 സൈനികര് ഉള്പ്പെടെ 83 പേര് കൊല്ലപ്പെട്ടതായി വെനസ്വേലന് ഉദ്യോഗസ്ഥര് അവകാശപ്പെട്ടു. യുഎസിന്റെ ഒരു സൈനികന് പരിക്കേറ്റെങ്കിലും അമേരിക്കന് ഭാഗത്ത് മരണങ്ങളൊന്നും രേഖപ്പെടുത്തിയിട്ടില്ല.
ഈ ആഴ്ച ആദ്യം, ന്യൂസ് നേഷന് അവതാരക കാറ്റി പാവ്ലിച്ചുമായി ചൊവ്വാഴ്ച നടത്തിയ അഭിമുഖത്തില് ട്രംപ് ഈ ആയുധത്തെക്കുറിച്ച് സൂചന നല്കിയിരുന്നു. 'മറ്റാര്ക്കുമില്ലാത്ത' ഈ സോണിക് ആയുധങ്ങള് യുഎസ് സൈന്യത്തിന് മാത്രമേ ലഭ്യമുള്ളൂ എന്നും അദ്ദേഹം അന്ന് പറഞ്ഞിരുന്നു. ഈ രഹസ്യായുധത്തെക്കുറിച്ച് അമേരിക്കക്കാര്ക്ക് 'ഭയമുണ്ടോ' എന്ന് ചോദിച്ചപ്പോള്, 'അതെ' എന്നായിരുന്നു അദ്ദേഹത്തിന്റെ മറുപടി. 'മറ്റാര്ക്കുമറിയാത്ത ആയുധങ്ങള് ഞങ്ങള്ക്കുണ്ട്,' ട്രംപ് കൂട്ടിച്ചേര്ത്തു. അമേരിക്കയുടെ ശത്രുക്കള്ക്കെതിരെ ഈ ഉപകരണം ഉപയോഗിക്കാന് കഴിയുമെന്ന് ട്രംപ് സൂചിപ്പിച്ചു.
നിലവില് ബ്രൂക്ലിനിലെ ഡിറ്റന്ഷന് സെന്ററില് വിചാരണ കാത്തിരിക്കുന്ന മഡുറോ, മയക്കുമരുന്ന് കടത്ത് ഉള്പ്പെടെയുള്ള ഗുരുതരമായ കുറ്റങ്ങളാണ് നേരിടുന്നത്. താന് നിരപരാധിയാണെന്ന് മഡുറോ വാദിക്കുമ്പോഴും, ഡിസ്കോംബുലേറ്റര് എന്ന ആയുധത്തിന്റെ കരുത്തില് അമേരിക്ക നടത്തിയ ഈ നീക്കം സൈനിക ചരിത്രത്തിലെ തന്നെ നാഴികക്കല്ലായി മാറിക്കഴിഞ്ഞു.