'ഇന്ത്യയിലെ നിയമങ്ങള് അനുസരിക്കാന് കഴിയില്ലെങ്കില് രാജ്യംവിട്ട് പോകണം; ഇന്ത്യന് പൗരന്മാരുടെ അവകാശങ്ങള് ഹനിക്കാന് അനുവദിക്കില്ല'; 213 കോടി പിഴയ്ക്ക് പിന്നാലെ വാട്സാപ്പിനോടും മാതൃസ്ഥാപനമായ മെറ്റയോടും നിലപാട് കടുപ്പിച്ച് സുപ്രീം കോടതി
ന്യൂഡല്ഹി: ഇന്ത്യന് പൗരന്മാരുടെ സ്വകാര്യതയില് കൈകടത്താന് ശ്രമിക്കുന്ന സോഷ്യല് മീഡിയ ഭീമന്മാര്ക്ക് സുപ്രീം കോടതിയുടെ കടുത്ത മുന്നറിയിപ്പ്. രാജ്യത്തെ നിയമങ്ങള് അനുസരിക്കാന് തയ്യാറല്ലെങ്കില് പ്രവര്ത്തനം അവസാനിപ്പിച്ച് ഇന്ത്യ വിട്ടുപോകാമെന്ന് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് മെറ്റയോടും വാട്സാപ്പിനോടും വ്യക്തമാക്കി. വാട്സാപ്പിന്റെ 2021-ലെ വിവാദ സ്വകാര്യതാ നയവുമായി (Privacy Policy) ബന്ധപ്പെട്ട കേസിലാണ് സുപ്രീം കോടതിയുടെ സുപ്രധാന നിരീക്ഷണം. ഉപഭോക്താക്കളുടെ സ്വകാര്യ വിവരങ്ങള് വാട്സാപ്പ് തങ്ങളുടെ മാതൃസ്ഥാപനമായ മെറ്റയുമായി പങ്കുവെക്കുന്നു എന്ന് കണ്ടെത്തിയതിനെത്തുടര്ന്ന് കോമ്പറ്റീഷന് കമ്മീഷന് ഓഫ് ഇന്ത്യ (CCI) മെറ്റയ്ക്ക് 213.14 കോടി രൂപ പിഴ ചുമത്തിയിരുന്നു. ഈ നടപടിക്കെതിരെ മെറ്റയും വാട്സാപ്പും നല്കിയ ഹര്ജി പരിഗണിക്കവെയാണ് കോടതി രൂക്ഷവിമര്ശനം ഉന്നയിച്ചത്.
വാട്സാപ്പിന്റെ 2021ലെ സ്വകാര്യത നിയമവുമായി (Privacy Policy) ബന്ധപ്പെട്ട കേസില് 213.14 കോടി രൂപ കോമ്പറ്റീഷന് കമ്മീഷന് ഓഫ് ഇന്ത്യ പിഴ വിധിച്ചിരുന്നു. ഇതിനെ ചോദ്യംചെയ്ത് മെറ്റയും വാട്സാപ്പും നല്കിയ ഹര്ജി പരിഗണിക്കവെയാണ് സുപ്രീം കോടതി രൂക്ഷവിമര്ശനം ഉന്നയിച്ചത്. ഉപഭോക്താക്കളുടെ സ്വകാര്യ വിവരങ്ങള് മെറ്റയുമായി പങ്കുവെക്കുന്നതിനെതിരെയാണ് കോമ്പറ്റീഷന് കമ്മീഷന് ഓഫ് ഇന്ത്യ (CCI) 213.14 കോടി രൂപ പിഴ ചുമത്തിയത്. മെറ്റയുമായി പൗരന്മാരുടെ സ്വകാര്യ ഡാറ്റ വാട്സാപ്പ് വിവരങ്ങള് പങ്കിട്ടതിനാണ് പിഴ ചുമത്തിയിരുന്നത്. ഡാറ്റ ഷെയറിംഗ് ഒരു കാരണവശാലും അനുവദിക്കില്ലെന്ന് ചീഫ് ജസ്റ്റിസ് സൂര്യകാന്ത് അദ്ധ്യക്ഷനായ ബെഞ്ച് വ്യക്തമാക്കി. 'രാജ്യത്തെ ജനങ്ങളുടെ സ്വകാര്യത വെച്ച് കളിക്കാന് ആരെയും അനുവദിക്കില്ല. ഇവിടുത്തെ നിയമങ്ങള് അംഗീകരിക്കാന് ബുദ്ധിമുട്ടുണ്ടെങ്കില് നിങ്ങള്ക്ക് ഇവിടം വിട്ടുപോകാം,' എന്ന് കോടതി കര്ശനമായി പറഞ്ഞു.
കോടതിയുടെ സുപ്രധാന നിരീക്ഷണങ്ങള്
ജനങ്ങളുടെ മൗലികാവകാശങ്ങള് സംരക്ഷിക്കുന്നതില് വിട്ടുവീഴ്ചയില്ലെന്ന് കോടതി അടിവരയിട്ടു പറഞ്ഞു:
സ്വകാര്യത പരമം: പൗരന്മാരുടെ സ്വകാര്യ വിവരങ്ങള് വെച്ച് കളിക്കാന് ആരെയും അനുവദിക്കില്ല.
ഡാറ്റ ഷെയറിംഗ്: ഉപഭോക്താക്കളുടെ വിവരങ്ങള് മെറ്റയുമായി പങ്കിടുന്നത് അംഗീകരിക്കാനാവില്ല.
അന്ത്യശാസനം: ഇന്ത്യന് ഭരണഘടന അനുശാസിക്കുന്ന നിയമങ്ങള് പാലിക്കാന് സാധിക്കില്ലെങ്കില് കമ്പനികള്ക്ക് രാജ്യം വിട്ടുപോകാമെന്ന് കോടതി കടുപ്പിച്ചു പറഞ്ഞു.
നിര്ണ്ണായക വിധി ഫെബ്രുവരി 10-ന്
ഇന്ത്യന് ഇന്റര്നെറ്റ് നിയമചരിത്രത്തില് തന്നെ വലിയ സ്വാധീനം ചെലുത്താനിടയുള്ള ഈ കേസില് ഫെബ്രുവരി 10-ന് സുപ്രീം കോടതി വിധി പുറപ്പെടുവിക്കും. ഡാറ്റ സുരക്ഷയും സ്വകാര്യതയും സംബന്ധിച്ച് ആഗോള ടെക് കമ്പനികള് സ്വീകരിച്ചു വരുന്ന നിലപാടുകള്ക്ക് തിരിച്ചടിയാകുന്നതാണ് കോടതിയുടെ ഈ നിലപാട്.