2025നെ കമ്യൂണിറ്റി വര്‍ഷമായി പ്രഖ്യാപിച്ച് യുഎഇ പ്രസിഡന്റ്; ആര്‍ട്ടിഫിഷ്യല്‍ ഇന്റലിജന്‍സിനും സംരംഭകത്വത്തിനും പ്രോത്സാഹനം നല്‍കും
2025നെ കമ്യൂണിറ്റി വര്‍ഷമായി പ്രഖ്യാപിച്ച് യുഎഇ പ്രസിഡന്റ്;
ഷാര്‍ജ: 2025നെ കമ്യൂണിറ്റി വര്‍ഷമായി യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ പ്രഖ്യാപിച്ചു. വ്യക്തികളുടെയും കുടുംബങ്ങളുടെയും സ്ഥാപനങ്ങളുടെയും കഴിവുകള്‍ വികസിപ്പിക്കാനും ആര്‍ട്ടിഫിഷ്യല്‍ ഇന്റലിജന്‍സ് ഉള്‍പ്പെടെയുള്ള വളര്‍ന്നുവരുന്ന വ്യവസായങ്ങള്‍, സംരംഭകത്വം തുടങ്ങിയ മേഖലകളില്‍ നവീകരണം പ്രോത്സാഹിപ്പിക്കാനും കമ്മ്യൂണിറ്റി വര്‍ഷം ശ്രമിക്കുന്നു.
വൈസ് പ്രസിഡന്റും ഉപപ്രധാനമന്ത്രിയും പ്രസിഡന്‍ഷ്യല്‍ കോര്‍ട്ട് ചെയര്‍മാനുമായ ഹിസ് ഹൈനസ് ഷെയ്ഖ് മന്‍സൂര്‍ ബിന്‍ സായിദ് അല്‍ നഹ്യാന്‍, ദേശീയ പ്രസിഡന്‍ഷ്യല്‍ കോടതി ഡെപ്യൂട്ടി ചെയര്‍പേഴ്‌സണ്‍ ഷെയ്ഖ മറിയം ബിന്‍ത് മുഹമ്മദ് ബിന്‍ സായിദ് അല്‍ നഹ്യാന്‍ എന്നിവര്‍ ഈ സംരംഭത്തിന് മേല്‍നോട്ടം വഹിക്കും. കമ്മ്യൂണിറ്റി ഐക്യം ശക്തിപ്പെടുത്തുന്നതിനും എമിറാത്തി മൂല്യങ്ങള്‍ ഉയര്‍ത്തിപ്പിടിക്കാനും നിരവധി പരിപാടികളും സംരംഭങ്ങളും ആരംഭിക്കും.