ഐക്യത്തോടെ പോകണമെന്ന് ആദ്യം തിരിച്ചറിയേണ്ടത് കോണ്‍ഗ്രസ്; ഇക്കാര്യം ഹൈക്കമാന്‍ഡും സംസ്ഥാന നേതൃത്വവും ഗൗരവത്തോടെ കാണണം; പ്രതികരിച്ചു എം കെ മുനീര്‍
ഐക്യത്തോടെ പോകണമെന്ന് ആദ്യം തിരിച്ചറിയേണ്ടത് കോണ്‍ഗ്രസ്
കോഴിക്കോട്: കോണ്‍ഗ്രസിലെ അനൈക്യത്തില്‍ പ്രതികരിച്ച് മുസ്ലിം ലീഗ് നേതാവ് എം കെ മുനീര്‍. വിജയത്തിന് ഐക്യത്തോടെ മുന്നോട്ടുപോകണമെന്ന് അദ്ദേഹം പറഞ്ഞു. ഇതാദ്യം തിരിച്ചറിയേണ്ടത് മുന്നണിയെ നയിക്കുന്ന കോണ്‍ഗ്രസ് ആണ്. ഇക്കാര്യം ഹൈക്കമാന്‍ഡും സംസ്ഥാന നേതൃത്വവും ഗൗരവത്തോടെ കാണണമെന്നും എം കെ മുനീര്‍ ആവശ്യപ്പെട്ടു.
എല്ലാ അര്‍ത്ഥത്തിലും ഒന്നിച്ചുനില്‍ക്കേണ്ട സമയമാണിതെന്ന് എം.കെ.മുനീര്‍ പറഞ്ഞു. മുന്നണിയെ നയിക്കുന്ന കോണ്‍ഗ്രസ് ഇക്കാര്യം ഗൗരവമായെടുക്കണം. അവരും നമ്മളുമുള്ളതാണ് മുന്നണി. മുന്നണി തിരിച്ചുവരണം. ഇപ്പോഴത്തെ സ്വരച്ചേര്‍ച്ചയില്ലായ്മയുടെ പേരില്‍ നഷ്ടങ്ങള്‍ സംഭവിക്കാന്‍ പാടില്ല. കോണ്‍ഗ്രസ് ഹൈക്കമാന്‍ഡ് നേതൃത്വവും സംസ്ഥാന നേതൃത്വവും ഈ പ്രശ്‌നത്തെ ഗൗരവത്തോടെ കാണണമെന്നും എം.കെ മുനീര്‍ ആവശ്യപ്പെട്ടു.
കോണ്‍ഗ്രസിലെ നേതാക്കള്‍ക്കിടയിലെ തര്‍ക്കത്തില്‍ മുസ്ലിം ലീഗ് നേരത്തെ അതൃപ്തി അറിയിച്ച് രംഗത്തെത്തിയിരുന്നു. യുഡിഎഫിലെ മറ്റ് ഘടകകക്ഷികളുടെ പിന്തുണയോടെ നേരിട്ട് നേതാക്കളെ കണ്ട് ഇക്കാര്യത്തില്‍ പരാതി അറിയിക്കാനായിരുന്നു ലീഗിന്റെ നീക്കം. ഇതിലൂടെ പ്രശ്നങ്ങള്‍ അടിയന്തിരമായി പരിഹരിക്കാമെന്ന് ലീഗ് കരുതുന്നത്.