അജിത്തിനും പണി കിട്ടി; റിലീസ് ചെയ്ത് മണിക്കൂറുകള്‍ക്കുള്ളില്‍ വിടാമുയര്‍ച്ചി വ്യാജ പതിപ്പ് ഓണ്‍ലൈനില്‍; ഇറങ്ങിയത് എച്ച്ഡി പ്രിന്റുകള്‍; സിനിമയുടെ കളക്ഷനെ ബാധിക്കുമെന്ന് ആശങ്ക
തമിഴകം ഒന്നടങ്കം കാത്തിരുന്ന സിനിമയാണ് അജിത് കുമാര്‍ നായകനായെത്തിയ വിടാമുയര്‍ച്ചി. 2 വര്‍ഷങ്ങള്‍ക്ക് ശേഷം അജിത് സ്‌ക്രീനിലെത്തുന്നത് വലിയ ആഘോഷത്തോടെയാണ് ആരാധകര്‍ ഏറ്റെടുത്തത്. ആദ്യ ഷോ കഴിയുമ്പോള്‍ അജിത്തിന്റെ മറ്റൊരു ബോക്സോഫീസ് ഹിറ്റാകും സിനിമയെന്ന സൂചനകളാണ് പ്രേക്ഷകപ്രതികരണങ്ങള്‍ നല്‍കുന്നത്.
എന്നാല്‍ ഇപ്പോഴിതാ റിലീസ് ചെയ്ത് മണിക്കൂറുകള്‍ക്കുള്ളില്‍ തന്നെ സിനിമയുടെ വ്യാജ പതിപ്പ് ഓണ്‍ലൈന്‍ സൈറ്റുകളില്‍ ചോര്‍ന്നതായുള്ള റിപ്പോര്‍ട്ടുകളാണ് പുറത്തുവരുന്നത്. 1080 പി, 720 പി, 480 പി എന്നീ എച്ച് ഡി റെസല്യൂഷനുകളിലാണ് സിനിമയുടെ വ്യാജപതിപ്പ് പ്രചരിക്കുന്നത്. ആദ്യ ദിനം തന്നെ ഓണ്‍ലൈന്‍ പതിപ്പ് പുറത്ത് വന്നത് സിനിമയുടെ കളക്ഷനെ ബാധിക്കുമെന്ന ആശങ്കയും ഇതോടെ ശക്തമാണ്. ഇതിന് മുന്‍പ് ഗെയിം ചെയ്ഞ്ചര്‍, പുഷ്പ 2 ,കങ്കുവ തുടങ്ങിയ സിനിമകളുടെ വ്യാജപതിപ്പുകള്‍ സിനിമയുടെ റിലീസിന് തൊട്ടുപിന്നാലെ എത്തിയിരുന്നു.
'മങ്കാത്ത' എന്ന ബ്ലോക്ക്ബസ്റ്റര്‍ ചിത്രത്തിന് ശേഷം അജിത് - അര്‍ജുന്‍ - തൃഷ കൂട്ടുകെട്ട് വീണ്ടും വെള്ളിത്തിരയില്‍ ഒന്നിക്കുന്നു എന്നതാണ് വിടാമുയര്‍ച്ചിയുടെ ഏറ്റവും വലിയ ഹൈലൈറ്റ്. മഗിഴ് തിരുമേനി ആണ് ചിത്രം സംവിധാനം ചെയ്തിരിക്കുന്നത്. അജിത്തിന്റെ മറ്റൊരു ബ്ലോക്ക്ബസ്റ്റര്‍ ആയിരിക്കും ചിത്രമെന്നാണ് സോഷ്യല്‍ മീഡിയയില്‍ നിറയുന്ന കമന്റുകള്‍. ലൈക്ക പ്രൊഡക്ഷന്‍സ് ആണ് ചിത്രം നിര്‍മിച്ചിരിക്കുന്നത്. അനിരുദ്ധ് രവിചന്ദറാണ് ചിത്രത്തിന് സം?ഗീത സംവിധാനമൊരുക്കിയിരിക്കുന്നത്.