'ഞാൻ അത് കണ്ടു..; എനിക്ക് പറയാൻ വാക്കുകളില്ല..'; നീരജ് ഗായ്‌വാൻ ചിത്രം 'ഹോംബൗണ്ടി'നെ വാനോളം പുകഴ്ത്തി മാരി സെൽവരാജ്

പ്രശസ്ത തമിഴ് സംവിധായകൻ മാരി സെൽവരാജ് നീരജ് ഗായ്‌വാൻ സംവിധാനം ചെയ്ത 'ഹോംബൗണ്ട്' എന്ന ചിത്രത്തെ പ്രശംസിച്ച് രംഗത്തെത്തി. "ഈ രാജ്യത്തിന്റെ തെക്കേയറ്റത്ത് നിന്നും താങ്കളെ ഊഷ്മളമായി ആലിംഗനം ചെയ്യുന്നു" എന്ന് മാരി സെൽവരാജ് 'എക്‌സി'ലൂടെ കുറിച്ചു.

ഈ വർഷത്തെ ഇന്ത്യയുടെ ഔദ്യോഗിക ഓസ്‌കർ എൻട്രിയാണ് 'ഹോംബൗണ്ട്'. പോലീസ് സേനയിൽ ചേരാൻ ശ്രമിക്കുന്ന രണ്ട് സുഹൃത്തുക്കൾ സമൂഹത്തിൽ നേരിടുന്ന വെല്ലുവിളികളാണ് ചിത്രം ചർച്ച ചെയ്യുന്നത്. കാൻ ഫിലിം ഫെസ്റ്റിവലിൽ ഒൻപത് മിനിറ്റ് സ്റ്റാൻഡിങ് ഓവേഷൻ നേടിയ ചിത്രം നെറ്റ്ഫ്ലിക്‌സിലൂടെയാണ് ഇപ്പോൾ സ്ട്രീം ചെയ്യുന്നത്. പ്രശസ്ത ഹോളിവുഡ് സംവിധായകൻ മാർട്ടിൻ സ്കോർസെസെ ഈ ചിത്രത്തിൻ്റെ എക്‌സിക്യൂട്ടീവ് പ്രൊഡ്യൂസറാണ്.