ആറ് വര്‍ഷത്തിന് ശേഷം നിവിന്‍ പോളി - നയന്‍താര കൂട്ടുകെട്ട്; 'ഡിയര്‍ സ്റ്റുഡന്റ്സ്' ചിത്രീകരണം പൂര്‍ത്തിയായി
നിവിൻ പോളി-നയൻ താര ചിത്രം ‘ഡിയര്‍ സ്റ്റുഡന്റ്സ്’ ചിത്രീകരണം പൂർത്തിയായി
കൊച്ചി: ആറ് വര്‍ഷത്തിന് ശേഷം നിവിന്‍ പോളി - നയന്‍താര കൂട്ടുകെട്ട് ഒന്നിക്കുന്ന ഡിയര്‍ സ്റ്റുഡന്റ്സ് എന്ന സിനിമയുടെജ ചിത്രീകരണം പൂര്‍ത്തിയായി. ജോര്‍ജ് ഫിലിപ്പ് റോയ്, സന്ദീപ് കുമാര്‍ എന്നിവര്‍ ചേര്‍ന്ന് രചനയും സംവിധാനവും നിര്‍വ്വഹിക്കുന്ന ചിത്രമാണിത്. ഷൂട്ടിംഗ് പൂര്‍ത്തിയായി എന്ന വിവരം പങ്ക് വെച്ചുകൊണ്ടുള്ള ചിത്രത്തിന്റെ പാക്കപ്പ് വീഡിയോ അണിയറ പ്രവര്‍ത്തകര്‍ റിലീസ് ചെയ്തു. വീഡിയോയില്‍ നിവിന്‍ പോളി, നയന്‍താര എന്നിവര്‍ക്കൊപ്പം ചിത്രത്തിലെ മറ്റ് താരങ്ങളെയും കാണാം.
വിനീത് ജയിന്‍ നേതൃത്വം നല്‍കുന്ന മാവെറിക് മൂവീസ് പ്രൈവറ്റ് ലിമിറ്റഡ്മായി സഹകരിച്ച് പോളി ജൂനിയര്‍ പിക്ചേഴ്സിന്റെ ബാനറില്‍ നിവിന്‍ പോളി തന്നെയാണ് ഈ ചിത്രത്തിന്റെ നിര്‍മ്മാണം നിര്‍വഹിക്കുന്നത്. ഈ വര്‍ഷം ചിത്രം പ്രേക്ഷകരുടെ മുന്നിലേക്ക് എത്തുമെന്നാണ് സൂചന.
ധ്യാന്‍ ശ്രീനിവാസന്റെ രചനയിലും സംവിധാനത്തിലും 2019 ല്‍ പുറത്തിറങ്ങിയ ലവ് ആക്ഷന്‍ ഡ്രാമ എന്ന ചിത്രത്തിലാണ് നിവിന്‍ പോളിയും നയന്‍താരയും ആദ്യമായി ഒരുമിച്ച് അഭിനയിച്ചത്. ഇവരെ കൂടാതെ അജു വര്‍ഗീസ്, ഷറഫുദ്ദീന്‍, സുരേഷ് കൃഷ്ണ, മല്ലിക സുകുമാരന്‍, ലാല്‍, ജഗദീഷ്, ജോണി ആന്റണി, നന്ദു, തമിഴ് താരം റെഡ്ഡിന്‍ കിംഗ്സ്ലി, ഷാജു ശ്രീധര്‍, ഒട്ടേറെ തമിഴ് താരങ്ങളും ഈ ചിത്രത്തില്‍ അഭിനയിക്കുന്നുണ്ട്. ഛായാഗ്രഹണം:- ആനന്ദ് സി ചന്ദ്രന്‍.