അയല്‍വാസി എഐ വഴിയുള്ള നഗ്ന ചിത്രങ്ങള്‍ പ്രചരിപ്പിച്ചു; മനോവിഷമം മൂലം പത്താം ക്ലാസ് വിദ്യാര്‍ത്ഥിനി ജീവനൊടുക്കി
എഐ വഴിയുള്ള നഗ്ന ചിത്രങ്ങള്‍ പ്രചരിപ്പിച്ചു; വിദ്യാര്‍ത്ഥിനി ജീവനൊടുക്കി
By : സ്വന്തം ലേഖകൻ
Update: 2025-11-29 00:05 GMT
കൊല്‍ക്കത്ത: എഐ വഴിയുള്ള നഗ്ന ചിത്രങ്ങള്‍ പ്രചരിപ്പിച്ചതിലെ മനോവിഷമം മൂലം പത്താം ക്ലാസ് വിദ്യാര്‍ത്ഥിനി തൂങ്ങിമരിച്ചു. പശ്ചിമ ബംഗാളിലെ സോനാര്‍പുരിലാണ് സംഭവം. ആര്‍ട്ടിഫിഷ്യല്‍ ഇന്റലിജന്റ്‌സ് വഴി നിര്‍മിച്ച പെണ്‍കുട്ടിയുടെ നഗ്‌നചിത്രങ്ങള്‍ സമൂഹ മാധ്യമങ്ങളില്‍ പ്രചരിച്ചതാണ് മരണകാരണമെന്നാണ് പ്രാഥമിക റിപ്പോര്‍ട്ടുകള്‍.
മാതൃസഹോദരന്റെ വീട്ടില്‍ താമസിച്ചിരുന്ന പെണ്‍കുട്ടിയെ അയല്‍വാസിയായ ഒരു വിവാഹിതന്‍ ശല്യം ചെയ്തിരുന്നു. പെണ്‍കുട്ടിയുടെ ചിത്രങ്ങള്‍ ശേഖരിക്കുകയും എഐ ഉപയോഗിച്ച് നഗ്‌നചിത്രങ്ങള്‍ സൃഷ്ടിക്കുകയും അത് ഓണ്‍ലൈനില്‍ പ്രചരിപ്പിക്കുകയും ഇയാള്‍ ചെയ്തതായാണു വിവരം. ഇത് കാണിച്ച് കുടുംബാംഗങ്ങള്‍ പൊലീസില്‍ പരാതി നല്‍കിയിരുന്നു. മാനസിക വിഷമം മൂലം പെണ്‍കുട്ടി ജീവനൊടുക്കിയതാകാമെന്നാണു പൊലീസ് നിഗമനം.