രോഗികളുമായി വന്ന 108 ആംബുലൻസ് കാറുമായി കൂട്ടിയിടിച്ചു; നഴ്സിങ് ദാരുണാന്ത്യം; സംഭവം കോട്ടയത്ത്

കോട്ടയം: ഏറ്റുമാനൂർ പുന്നത്തുറയിൽ നിയന്ത്രണം നഷ്ടപ്പെട്ട 108 ആംബുലൻസ് കാറുമായി കൂട്ടിയിടിച്ച് മറിഞ്ഞ് അപകടം. ആംബുലൻസിലുണ്ടായിരുന്ന നഴ്സ് മരിച്ചു. കട്ടപ്പന സ്വദേശിയായ മെയിൽ നഴ്സ് ജിതിൻ ആണ് മരിച്ചത്.

ഇടുക്കിയിൽ നിന്ന് രോഗിയുമായി കോട്ടയം മെഡിക്കൽ കോളേജിലേക്ക് വന്ന ആംബുലൻസാണ് അപകടത്തിൽപ്പെട്ടത്. അപകടത്തെത്തുടർന്ന് പരിക്കേറ്റ നെടുങ്കണ്ടം സ്വദേശികളായ ഡ്രൈവർ ജിജോ, ഷിനി, തങ്കമ്മ എന്നിവരെ കോട്ടയം മെഡിക്കൽ കോളേജിൽ പ്രവേശിപ്പിച്ചു. ഇവരുടെ നിലയെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.