കണ്ണൂരിൽ സ്വകാര്യ ബസ് നിര്‍ത്തിയിട്ട ടൂറിസ്റ്റ് ബസിലേക്ക് ഇടിച്ചുകയറി; അപകടത്തിൽ നിരവധിപേർക്ക് പരിക്ക്

കണ്ണൂര്‍: സ്വകാര്യ ബസ് നിര്‍ത്തിയിട്ട ടൂറിസ്റ്റ് ബസിൽ ഇടിച്ചുകയറി അപകടം. കണ്ണൂര്‍ കൂത്തുപറമ്പിലാണ് സംഭവം നടന്നത്. സ്വകാര്യ ബസ് നിയന്ത്രണം തെറ്റി നിര്‍ത്തിയിട്ട ടൂറിസ്റ്റ് ബസിൽ ഇടിച്ചായിരിന്നു അപകടം നടന്നത്.

ബസിൽ ഉണ്ടായിരുന്ന യാത്രക്കാര്‍ക്ക് സംഭവത്തിൽ പരിക്കേറ്റു. പരിക്കേറ്റവരെ കൂത്തുപറമ്പിലെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഇന്ന് വൈകിട്ട് നാലു മണിയോടെയാണ് അപകടം നടന്നത്.

പേരാവൂരിൽ നിന്ന് തലശ്ശേരിയിലേക്ക് പോവുകയായിരുന്ന സ്വകാര്യ ബസാണ് അപകടത്തിൽപ്പെട്ടത്. ബസിന്‍റെ മുൻഭാഗത്ത് ഉണ്ടായിരുന്നവർക്കാണ് കൂടുതൽ പരിക്കേറ്റത്. അപകടം നടന്ന ഉടനെ തന്നെ ബസിലുണ്ടായിരുന്നവരെ ആശുപത്രിയിലേക്ക് മാറ്റുകയായിരുന്നു. സ്വകാര്യ ബസിന്‍റെയും ടൂറിസ്റ്റ് ബസിന്‍റെയും മുൻഭാഗത്തിന് നാശനഷ്ടം സംഭവിച്ചിട്ടുണ്ട്.