പേരക്കുട്ടിക്ക് ആശുപത്രിയില്‍ ഭക്ഷണം എത്തിക്കാന്‍ പോകവെ അപകടം; ബൈക്കില്‍ കാറിടിച്ച് 65കാരന് മരിച്ചു
Update: 2025-09-15 06:32 GMT
കോഴിക്കോട്: പേരക്കുട്ടിക്ക് ആശുപത്രിയില്‍ ഭക്ഷണം എത്തിക്കാന്‍ പോയ 65കാരന് അപകടത്തില്‍ മരിച്ചു. മണക്കടവ് തുമ്പോളി മുയ്യായിലെ ബാലകൃഷ്ണനാണ് ഞായറാഴ്ച വൈകിട്ട് തൊണ്ടയാട് റോഡില്‍ ഉണ്ടായ അപകടത്തില്‍ മരിച്ചത്.
ബാലകൃഷ്ണന്‍ സഞ്ചരിച്ച ബൈക്കില്‍ കാറിടിച്ചാണ് അപകടം സംഭവിച്ചത്. ഗുരുതരമായി പരുക്കേറ്റ ബാലകൃഷ്ണനെ ആദ്യം സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
സംഭവത്തില്‍ പൊലീസ് കേസ് രജിസ്റ്റര്‍ ചെയ്തു. അപകടകാരിയായ കാര്‍യും ഡ്രൈവറെയും പൊലീസ് കസ്റ്റഡിയിലെടുത്തിട്ടുണ്ട്. കൂടുതല്‍ അന്വേഷണം തുടരുന്നതായി അധികൃതര്‍ അറിയിച്ചു.