ശ്രീലങ്കയില്‍ മോശം കാലാവസ്ഥ; ഇസ്താംബൂളില്‍നിന്നും - കൊളംബോയിലേക്ക് പുറപ്പെട്ട വിമാനം തിരുവനന്തപുരത്ത് ഇറക്കി; 10 ക്രൂ ഉള്‍പ്പെടെ 299 യാത്രക്കാര്‍ സുരക്ഷിതര്‍
Update: 2025-01-07 06:18 GMT
തിരുവനന്തപുരം: ഇസ്താംബൂളില്‍നിന്നും - കൊളംബോയിലേക്ക് പുറപ്പെട്ട വിമാനം ടര്‍ക്കിഷ് വിമാനം തിരുവനന്തപുരത്ത് ഇറക്കി. ഇന്ന് രാവിലെ 6.51 ന് തിരുവനന്തപുരത്തെ അന്താരാഷ്ട്ര ടെര്‍മിനലില്‍ ഇറക്കിയത്. ശ്രീലങ്കയില്‍ മോശം കാലാവസ്ഥയായതിനാലാണ് തിരുവനന്തപുരത്ത് വിമാനം ഇറക്കിയത്.
ആറ് മണിയോടെ കൊളംബോയിയില്‍ ഇറങ്ങേണ്ടിയിരുന്ന വിമാനം കാലാവസ്ഥ മോശമാണെന്ന വിലയിരുത്തലിനെ തുടര്‍ന്ന് ആകാശത്ത് വട്ടമിട്ട് പറന്ന ശേഷം ലാന്‍ഡിങിന് അനുമതി ലഭിക്കാതിരുന്നതോടെ തിരുവനന്തപുരത്തേക്ക് ഇറങ്ങാന്‍ നിര്‍ദ്ദേശിക്കുകയായിരുന്നു. 10 ക്രൂ ഉള്‍പ്പെടെ 299 പേര്‍ ഉണ്ടായിരുന്ന വിമാനത്തിലെ യാത്രക്കാരെല്ലാം സുരക്ഷിതരാണെന്ന് എയര്‍പോര്‍ട്ട് അധിക്യതര്‍ പറഞ്ഞു. കാലാവസ്ഥ അനുകൂലമായാല്‍ യാത്ര തുടരും.