സ്‌കൂട്ടറില്‍ കടത്തിക്കൊണ്ട് വന്ന 50 കുപ്പി നിറയെ വ്യാജ മദ്യം; കരുനാഗപ്പള്ളിയില്‍ 25 ലിറ്റര്‍ വ്യാജ മദ്യം കടത്തിക്കൊണ്ട് വന്ന രണ്ട് പേര്‍ പിടിയില്‍
By : സ്വന്തം ലേഖകൻ
Update: 2024-12-08 17:12 GMT
കൊല്ലം: കരുനാഗപ്പള്ളിയില്‍ 25 ലിറ്റര്‍ വ്യാജ മദ്യം കടത്തിക്കൊണ്ട് വന്ന രണ്ട് പേര്‍ പിടിയില്‍. ആലപ്പുഴ കൃഷ്ണപുരം സ്വദേശി ഉദീഷ് (37), കണ്ണമംഗലം സ്വദേശി ഷിബു (39) എന്നിവരാണ് പിടിയിലായത്.
സ്‌കൂട്ടറില്‍ കടത്തിക്കൊണ്ട് വന്ന 50 കുപ്പി നിറയെ വ്യാജ മദ്യവുമായാണ് ഇവര്‍ പിടിയിലായത്. കരുനാഗപ്പള്ളി എക്സൈസ് റേഞ്ച് ഇന്‍സ്പെക്ടര്‍ ലതീഷ്.എസിന്റെ നേതൃത്വത്തില്‍ നടന്ന പരിശോധനയിലാണ് കേസ് കണ്ടെത്തിയത്. പ്രിവന്റീവ് ഓഫീസര്‍ (ഗ്രേഡ്) അഭിലാഷ്, സിവില്‍ എക്സൈസ് ഓഫീസര്‍മാരായ കിഷോര്‍.എസ്, ചാള്‍സ്.എച്, അന്‍സാര്‍.ബി, രജിത്ത്.കെ.പിള്ള, ശ്യാംദാസ്, അജയഘോഷ്, വനിത സിവില്‍ എക്സൈസ് ഓഫീസര്‍ രാജി.എസ്.ഗോപിനാഥ്, അസിസ്റ്റന്റ് എക്സൈസ് ഇന്‍സ്പെക്ടര്‍ (ഗ്രേഡ്) ഡ്രൈവര്‍ അബ്ദുള്‍ മനാഫ് എന്നിവരും പരിശോധനയില്‍ പങ്കെടുത്തു.
കരുനാഗപ്പള്ളി