കണ്ണൂര്‍ സ്വദേശിയായ തോട്ടം ഉടമയെ കുടകില്‍ മരിച്ച നിലയില്‍ കണ്ടെത്തി; മൃതദേഹം കണ്ടെത്തിയത് കഴുത്തറുത്ത നിലയില്‍
കണ്ണൂര്‍ സ്വദേശിയായ തോട്ടം ഉടമയെ കുടകില്‍ മരിച്ച നിലയില്‍ കണ്ടെത്തി
By : സ്വന്തം ലേഖകൻ
Update: 2025-04-24 01:28 GMT
വീരാജ്പേട്ട: കണ്ണൂര്‍ സ്വദേശിയായ തോട്ടം ഉടമയെ കുടകില്‍ കഴുത്തറുത്ത് മരിച്ച നിലയില്‍ കണ്ടെത്തി. വീരാജ്പേട്ട താലൂക്കിലെ ബി ഷെട്ടിഗേരിയിലാണ് സംഭവം. കണ്ണൂരിലെ കൊയിലി ആശുപത്രി ഉടമ പരേതനായ കൊയിലി ഭാസ്‌കരന്റെ മകന്‍ പ്രദീപ് കൊയിലിയെ (49) ആണ് മരിച്ച നിലയില്‍ കണ്ടെത്തിയത്. കൊലപാതകമാണെന്ന സംശയത്തിലാണ് പോലീസ്.
ഗോണിക്കുപ്പ പോലീസ് സ്ഥലത്തെത്തി അന്വേഷണം തുടങ്ങിയെങ്കിലും സംഭവത്തിന് വ്യക്തത വന്നിട്ടില്ല. പ്രദീപിന് ഇവിടെ 32 ഏക്കറോളം കാപ്പിത്തോട്ടമുണ്ട്. ഇത് വില്‍ക്കാനുള്ള ശ്രമത്തിലായിരുന്നു പ്രദീപ്. അവിവാഹിതനാണ്.
അമ്മ: ശാന്ത. സഹോദരങ്ങള്‍: പ്രീത, പരേതനായ ഡോ. പ്രമോദ് (കൊയിലി ആശുപത്രി, കണ്ണൂര്‍). ഗോണിക്കുപ്പ എസ്ഐയുടെ നേതൃത്വത്തില്‍ അന്വേഷണം തുടങ്ങി. പ്രദീപ് തോട്ടത്തിലെ ഒറ്റമുറിക്കെട്ടിടത്തിലാണ് താമസം.