കാറില്‍ കിടന്നുഉറങ്ങുകയായിരുന്ന പെണ്‍കുട്ടിയെ തട്ടിക്കൊണ്ടുപോകാന്‍ ശ്രമം; രണ്ടു കിലോമീറ്ററിലധികം കുട്ടിയുമായി പാഞ്ഞു; ബഹളം വെച്ച് ദമ്പതികള്‍; ഓടിക്കൂടിയ നാട്ടുകാര്‍ പൊക്കിയപ്പോള്‍ അറിഞ്ഞത് മറ്റൊന്ന്; പിന്നാലെ അരങ്ങേറിയത് നാടകീയ രംഗങ്ങള്‍; ലഹരി ബോധത്തില്‍ യുവാവ് റോഡില്‍ കാട്ടിക്കൂട്ടിയത്!
കുറ്റ്യാടി: കാറിൽ കിടന്നു ഉറങ്ങുകയായിരുന്ന പത്തു വയസ്സുകാരിയെ തട്ടിക്കൊണ്ടു പോകാൻ ശ്രമിച്ച കേസുമായി ബന്ധപ്പെട്ട് പ്രതിയെ പോലീസ് കൈയ്യോടെ പിടികൂടി. ഇന്ന് ഉച്ചതിരിഞ്ഞാണ് റോഡിൽ നാടകീയ സംഭവങ്ങൾ അരങേറിയത്.
കാറിൽ ഉറങ്ങുകയായിരുന്ന പെൺകുട്ടിയെ തട്ടിക്കൊണ്ടുപോകാൻ ശ്രമം നടന്നത്. അടുക്കത്ത് ആശാരിപറമ്പിൽ വിജീഷിനെയാണ് (41) പൊലീസ് അറസ്റ്റ് ചെയ്തത്. കുന്നമംഗലം സ്വദേശികളായ ദമ്പതികളുടെ മകളെയാണു കാറിൽ തട്ടിക്കൊണ്ടുപോകാൻ ശ്രമിച്ചത്.
പെൺകുട്ടിയുടെ അമ്മയുടെ വീട്ടിലേക്ക് പോകുകയായിരുന്നു . അതിനിടയിൽ ബേക്കറിയിൽ നിന്ന് സാധനം വാങ്ങുന്നതിന് അടുത്ത് വാഹനം നിർത്തി. ആ സമയം കുട്ടി കാറിൽ ഉറങ്ങുന്നതിനാൽ കാർ ഓൺ ചെയ്ത് എസി ഇട്ടിരുന്നു. ദമ്പതികൾ സാധനം വാങ്ങുന്നതിനിടെ പ്രതി തക്കം നോക്കിയെത്തി കാർ ഓടിച്ചു പോയി. എന്നാൽ, പെൺകുട്ടി കാറിൽ ഉറങ്ങുന്നത് പ്രതി അറിഞ്ഞിരുന്നില്ലെന്നാണു ലഭിക്കുന്ന വിവരങ്ങൾ.
ഏകദേശം രണ്ടു കിലോമീറ്ററോളം ദൂരം പോയശേഷം പെൺകുട്ടിയെ റോഡിൽ ഇറക്കിവിട്ടു. ഇതിനിടെ ദമ്പതികൾ നാട്ടുകാരുടെ സഹായത്തോടെ കാറ് പിന്തുടരുകയും നാട്ടുകാർ മറ്റുള്ളവർക്ക് വിവരം നൽകുകയും ചെയ്തിരുന്നു. ഏറെ ദൂരം പോകുന്നതിന് മുൻപ് നാട്ടുകാർ കാർ തടഞ്ഞു.
പ്രതി വളരെ പതുക്കെയായിരുന്നു കാർ ഓടിച്ചിരുന്നത്. തുടർന്ന് പോലീസെത്തി വിജീഷിനെ കസ്റ്റഡിയിൽ എടുത്തു. വിജീഷ് ലഹരി ഉപയോഗിച്ചിരുന്നതായാണ് വിവരം. ദമ്പതികളും പെ‍ൺകുട്ടിയും ഏതാനും ആഴ്ച മുൻപാണ് ഗൾഫിൽ നിന്നെത്തിയത്. മൂത്ത കുട്ടി കുറ്റ്യാടിയിലെ അമ്മവീട്ടിൽ നിന്നാണ് പഠിക്കുന്നത്. അമ്മവീട്ടിലേക്ക് പോകുന്നതിനിടെയാണ് നാടകീയ സംഭവങ്ങൾ നടന്നത്.