ദി റെവനൻ്റ് ലൈറ്റ്..; ക്ഷേത്രത്തിലെത്തിയ യുവാവിന് നേരെ കരടിയുടെ ആക്രമണം; അപകടം തീറ്റ നൽകാൻ ശ്രമിക്കുന്നതിനിടെ; അലറിവിളിച്ച് ആളുകൾ; യുവാവിന്റെ മാംസം പാതി ഭക്ഷിച്ച നിലയിൽ; ജീവനക്കാരുടെ ഇടപെടലിൽ അത്ഭുത രക്ഷപെടൽ; സംഭവം തായ്‌ലൻഡിൽ!
ബാങ്കോക്ക്: ക്ഷേത്രസന്ദർശനത്തിനെത്തിയ യുവാവിന് നേരെ കരടിയുടെ ആക്രമണം. തായ്‌ലൻഡിലാണ് ഞെട്ടിപ്പിക്കുന്ന സംഭവം നടന്നത്. സന്യാസി സമൂഹത്തോടൊപ്പം കഴിയുന്ന കരടിയാണ് യുവാവിനെ ആക്രമിച്ചത്. തായ്‌ലൻഡിലെ ഒരു ക്ഷേത്രം സന്ദർശിക്കാൻ എത്തിയപ്പോൾ ആയിരിന്നു 36 കാരനായ യുവാവിന്റെ ജീവിതം മാറ്റിമറിച്ച സംഭവം നടന്നത്.കൂട്ടുകാർക്കൊപ്പമാണ് യുവാവ് ക്ഷേത്രസന്ദർശനത്തിന് എത്തിയത്.
പിന്നാലെ യുവാവ് തീറ്റ നൽകാൻ ശ്രമിക്കുന്നതിനിടെ ആയിരുന്നു അപകടം നടന്നത്. കരടിയുടെ കൂട്ടിൽ കുടുങ്ങിയ യുവാവിനെ ഏറെ പണിപ്പെട്ടാണ് രക്ഷപ്പെടുത്തിയത്. കരടി യുവാവിനെ പൊതിഞ്ഞ് പിടിച്ച് കഴിക്കാൻ ശ്രമിക്കുന്നതും യുവാവ് അതിനെ തള്ളിമാറ്റി രക്ഷപ്പെടാൻ ശ്രമിക്കുന്നതും വീഡിയോയിൽ ഉണ്ട്. പക്ഷെ കരടി അതിഗുരുതരമായി പരിക്കേൽപ്പിച്ചു. കണ്ടു നിന്ന ആളുകൾ അലറിവിളിച്ച് കുറെ നേരം രക്ഷപ്പെടുത്താൻ പല ശ്രമങ്ങളും നടത്തി.
പക്ഷെ കരടി യുവാവിനെ വലിച്ചിഴച്ച് നേരെ കൂട്ടിലേക്ക് കൊണ്ട് പോയി. മാംസം പാതിയും ഭക്ഷിക്കുകയായിരുന്നു. ഞെഞ്ചിലെയും മുതുകിലെയും മാംസം കരടി കടിച്ചുപറിച്ചു. അങ്ങനെ മണിക്കൂറുകൾക്ക് ശേഷം ജീവനക്കാരുടെ ഇടപെടൽ മൂലമാണ് യുവാവ് അത്ഭുതകരമായി രക്ഷപ്പെട്ടത്.
ആശുപത്രിയിൽ എത്തിച്ചപ്പോൾ ഡോക്ടർമാർ വരെ പരിക്ക് കണ്ട് ഞെട്ടിപ്പോയി. വളരെ അത്ഭുതകരമായിട്ടാണ് യുവാവ് രക്ഷപ്പെട്ടതെന്ന് ഡോക്ടർമാരും പറഞ്ഞു. ഇപ്പോൾ അദ്ദേഹം അപകടനില തരണം ചെയ്തതായും കൂട്ടുകാരോട് സംസാരിച്ചതായും ആശുപത്രി അധികൃതർ പറഞ്ഞു. യുവാവിനെ കരടി ആക്രമിക്കുന്ന വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.