'ശമ്പളം തരുന്നില്ലെങ്കില് യു ക്വിറ്റ്!' '12 മണിക്കൂര് അടിമപ്പണിയല്ല, എനിക്കിതാണ് സന്തോഷം': 'പെണ്ണ് വണ്ടിയോടിച്ചാല് ഓടില്ലേ?' മാസം ഏകദേശം 30,000 രൂപ വരുമാനം; നഴ്സിങ് കുപ്പായം അഴിച്ചുവെച്ച് സ്റ്റിയറിങ് പിടിച്ച വീട്ടമ്മ; ആശുപത്രി വിട്ട് ഓണ്ലൈന് ടാക്സി ഡ്രൈവറായ യുവതി നഴ്സുമാരുടെ സമരപ്പന്തലില്; ജാസ്മിന് ഷാ പങ്കുവെച്ച വീഡിയോ തരംഗമാകുന്നു!
ജാസ്മിന് ഷാ പങ്കുവെച്ച വീഡിയോ തരംഗമാകുന്നു!
കൊച്ചി: 'പന്ത്രണ്ട് മണിക്കൂര് അടിമപ്പണി ചെയ്തിട്ടും മാന്യമായ കൂലിയില്ലെങ്കില് ആ ജോലി ഉപേക്ഷിക്കൂ...'- സിരകളില് പോരാട്ടവീര്യം തുടിക്കുന്ന ഈ വാക്കുകള് ഒരു സാധാരണ വീട്ടമ്മയുടേതല്ല, മറിച്ച് അനീതിക്കെതിരെ വിട്ടുവീഴ്ചയില്ലാത്ത നിലപാടെടുത്ത ഒരു മുന് നഴ്സിന്റേതാണ്. ശമ്പള വര്ദ്ധന ആവശ്യപ്പെട്ട് യുണൈറ്റഡ് നഴ്സസ് അസോസിയേഷന് (UNA) നടത്തുന്ന അവകാശപ്പോരാട്ടങ്ങള്ക്ക് ഐക്യദാര്ഢ്യം പ്രഖ്യാപിച്ചുള്ള യുവതിയുടെ വാക്കുകള് കേള്വിക്കാര്ക്ക് പ്രചോദനമായി. ഓണ്ലൈന് ടാക്സി ഡ്രൈവറായി മാറിയ ഈ യുവതിയുടെ വീഡിയോ ഇപ്പോള് സോഷ്യല് മീഡിയയില് തരംഗമാവുകയാണ്. യുഎന്എ നേതാവ് ജാസ്മിന് ഷായാണ് വീഡിയോ തന്റെ ഫേസ്ബുക്ക് പേജിലൂടെ പങ്കുവച്ചത്.
അടിമത്തത്തില് നിന്ന് സ്വാതന്ത്ര്യത്തിലേക്ക്
ലക്ഷങ്ങള് മുടക്കി നഴ്സിങ് ബിരുദം നേടിയിട്ടും, ആശുപത്രികളിലെ ചൂഷണത്തിന് ഇരയാവുകയും, തുച്ഛമായ ശമ്പളത്തിന് ജീവിക്കേണ്ടി വരുന്ന ഒരു വിഭാഗത്തിന്റെ പ്രതിനിധിയാണ് ഈ വീട്ടമ്മ. തന്റെ പഴയ സഹപ്രവര്ത്തകര് തെരുവില് സമരം ചെയ്യുമ്പോള്, അവര്ക്ക് ആത്മവിശ്വാസം പകരാനാണ് അവര് സംസാരിച്ചത്.
'ഞാനിപ്പോള് വളരെ ഹാപ്പിയാണ്. എനിക്ക് എപ്പോള് വേണമെങ്കിലും വണ്ടി ഒതുക്കി ഭക്ഷണം കഴിക്കാം, വിശ്രമിക്കാം. 12 മണിക്കൂര് അടിമപ്പണി ചെയ്ത് കിട്ടുന്നതിനേക്കാള് സന്തോഷം എനിക്കിന്നുണ്ട്. എല്ലാ ചെലവുകളും കഴിഞ്ഞ് പ്രതിദിനം 1000 രൂപ വരെ ഇവര് സമ്പാദിക്കുന്നു. മാസം ഏകദേശം 30,000 രൂപ വരുമാനം ലഭിക്കുന്നത് നഴ്സിങ് മേഖലയിലെ പല പ്രാരംഭ ശമ്പളത്തേക്കാളും കൂടുതലാണെന്ന് ഇവര് ചൂണ്ടിക്കാട്ടുന്നു.
ആശുപത്രികളിലെ കടുത്ത ഷിഫ്റ്റുകളില് നിന്നും കൃത്യമായ ഇടവേളകളില്ലാത്ത ജോലിഭാരത്തില് നിന്നും മോചനം നേടി, സ്വന്തം ഇഷ്ടപ്രകാരം ജോലി സമയം ക്രമീകരിക്കാന് ഇവര്ക്ക് സാധിക്കുന്നു.
ലിംഗവിവേചനത്തിനെതിരെയുള്ള പോരാട്ടം
'പെണ്ണ് വണ്ടിയോടിച്ചാല് ഓടില്ലേ?' എന്ന ചോദ്യത്തിലൂടെ സമൂഹത്തിലെ സ്റ്റീരിയോടൈപ്പുകളെ ഇവര് തകര്ക്കുന്നു. ആത്മവിശ്വാസവും ധൈര്യവും ഉണ്ടെങ്കില് ഏത് മേഖലയിലും സ്ത്രീകള്ക്ക് ശോഭിക്കാനാകുമെന്ന് ഇവര് തെളിയിക്കുന്നു.
യുഎന്എയുടെ കരുത്തായി മാറിയ 'ഡ്രൈവര്'
ജാസ്മിന് ഷാ പങ്കുവെച്ച ഈ വീഡിയോ നഴ്സിങ് പ്രൊഫഷന് വിട്ടുപോകാന് നിര്ബന്ധിതരായ ആയിരങ്ങളുടെ പ്രതീകമാണ്. ബിരുദമുണ്ടായിട്ടും മാന്യമായ വേതനം ലഭിക്കാത്തതിനാല് പലരും ഈ രംഗം ഉപേക്ഷിക്കേണ്ടി വരികയാണ്.
'ഞാനും യുഎന്എയുടെ ഭാഗമാണ്' എന്ന് അഭിമാനത്തോടെ പ്രഖ്യാപിക്കുന്ന ഇവര്, സമരം ചെയ്യുന്ന നഴ്സുമാര്ക്ക് വലിയൊരു ഊര്ജ്ജമാണ് പകരുന്നത്.
ജാസ്മിന് ഷാ പങ്കുവെച്ച ഈ വീഡിയോ ഇതിനോടകം തന്നെ ആയിരക്കണക്കിന് ആളുകള് കണ്ടുകഴിഞ്ഞു. തളര്ന്നുപോകുന്ന നിമിഷങ്ങളില് കരുത്തുപകരാന് ഇത്തരം വാക്കുകള്ക്ക് സാധിക്കുമെന്നാണ് കമന്റുകള് സൂചിപ്പിക്കുന്നത്. അര്പ്പണബോധമുള്ള നഴ്സുമാരുടെയും അവരുടെ കുടുംബങ്ങളുടെയും കരുത്താണ് ഈ വീഡിയോയിലൂടെ പ്രതിഫലിക്കുന്നത്.
ജാസ്മിന് ഷായുടെ പോസ്റ്റ്:
ഞാനും യുഎന്എയുടെ ഒരംഗമാണ്...
തോല്ക്കാന് തയ്യാറല്ലാ എന്ന് പറയുന്നവരെയും നമുക്കിടയില് ഏറെയുണ്ട്. ലക്ഷങ്ങള് കൊടുത്ത് ഡിഗ്രി സംബാദിച്ചിട്ടും മാന്യമായ കൂലി കിട്ടാത്തതിനാല്, നാട്ടില് ജീവിച്ച് മരിക്കാന് അഗ്രഹിക്കുന്ന ഈ പ്രൊഫഷന് വിട്ട നിരവധി പേരുണ്ട്. ഗ്യാപ്പിന്റെ പേരില് പോലും തൊഴില് നിഷേധിക്കപ്പെട്ടവര്.എല്ലാവരും ഈ സമരത്തിനൊപ്പമാണ്. കേള്ക്കൂ ഈ ധീരവനിതയുടെ വാക്കുകള്...
വീട്ടമ്മയുടെ വാക്കുകള് ഇങ്ങനെ
'ശമ്പളം തരുന്നില്ലെങ്കില് യു ക്വിറ്റ്...കണ്ടോ, ഞാന് ഡ്രൈവിങ് പഠിച്ചിട്ട് ഓണ്ലൈന് ടാക്സി ഓടുകയാണ്. എന്റെ വണ്ടി ഞാന് ഒരു കസ്റ്റമറെ ഡ്രോപ്പ് ചെയ്യാന് വേണ്ടി വന്നതാണിവിടെ. അപ്പോള്, നിങ്ങളിവിടെ ഇരിക്കുന്നത് കണ്ടപ്പോള്, നിങ്ങളില് ഒരാളായത് കൊണ്ട്
എനിക്ക് സങ്കടം വന്നപ്പോള്, വണ്ടിയൊതുക്കിയിട്ട് ഞാന് കയറി വന്നതാ.
ഞാനിപ്പോള് വളരെ ഹാപ്പിയാണ്...കാരണം, എനിക്ക് ലീവ് വേണോ, ഓഫ് വേണോ, വണ്ടി ഓഫ് ചെയ്യുക, പോയി കഴിക്കുക, എവിടാന്നുവച്ചാല് പോകുക. എല്ലാ ചെലവും കഴിഞ്ഞ് 1000 രൂപ ഞാന് ഉണ്ടാക്കുന്നുണ്ട്. അപ്പോള്, മാസം 30,000 ആയില്ലേ? സിമ്പിള്. നമ്മളീ 12 മണിക്കൂര് അടിമകളെ പോലെ പണി ചെയ്തിട്ട് കിട്ടുന്ന ശമ്പളം ..എനിക്ക് സങ്കടം വരാറുണ്ട്...ഇങ്ങനെ കാണുമ്പോള്.
ലേഡി ആയത് കൊണ്ട് എങ്ങനെയാ..ഡ്രൈവ് ചെയ്യുന്നതെന്നൊക്കെ, അയ്യോ, പെണ്ണോ എന്നൊക്കെ ആള്ക്കാര് ചോദിക്കാറുണ്ട്. അപ്പോള് പെണ്ണം വണ്ടിയോടിച്ചാല് ഓടില്ലേ എന്ന് ഞാന് ചോദിക്കാറുണ്ട്. അപ്പോള്, അതൊരു മോട്ടിവേഷനാണ് എല്ലാവര്ക്കും. നമ്മളെ എന്താ ചെയ്യുന്നേന്ന്...ഒന്നുമില്ലെന്നേ, നമ്മള് ബോള്ഡാണെങ്കില് സാധിക്കും. ഞാനും ഈ രംഗത്ത് ഉണ്ടായിരുന്ന ആളാണ്...എന്തായാലും നിങ്ങളുടെ സമരം വിജയിക്കട്ടെ...ഓള് ദി ബെസ്റ്റ്. '
അതേസമയം, ഹൈക്കോടതിയുടെ മധ്യസ്ഥതയില് നടന്ന ചര്ച്ച പരാജയപ്പെട്ടതോടെ, സ്വകാര്യ ആശുപത്രി നഴ്സുമാരുടെ സമരം തുടരുകയാണ്. 25 ഓളം മാനേജ്മെന്റുകളാണ് ഉയര്ന്ന ശമ്പളം കൊടുക്കുന്നതിന് വഴങ്ങാതെ കടുംപിടുത്തം തുടരുന്നത്.