ബോവിക്കാനം: മദ്രസ കഴിഞ്ഞ് പോവുകയായിരുന്ന 14-കാരിക്ക് മുന്നില്‍ നഗ്‌നതാ പ്രദര്‍ശനം നടത്തിയ യുവാവ് അറസ്റ്റില്‍. ചെങ്കള വി.കെ. പാറയിലെ അജിത്ത് കുമാറിനെ (35) ആണ് ആദൂര്‍ എസ്.ഐ. അനുരൂപും സംഘവും അറസ്റ്റ് ചെയ്തത്. 15-ന് മുളിയാറിലായിരുന്നു കേസിന് ആസ്പദമായ സംഭവം.

നടന്നുപോകുകയായിരുന്ന വിദ്യാര്‍ഥിനിയുടെ അടുത്ത് സ്‌കൂട്ടര്‍ നിര്‍ത്തി നഗ്‌നത പ്രദര്‍ശിപ്പിക്കുകയായിരുന്നു. വീട്ടുകാരോട് പെണ്‍കുട്ടി വിവരം പറഞ്ഞു. വീട്ടുകാര്‍ നല്‍കിയ പരാതിയിലാണ് പോലീസ് പോക്‌സോ പ്രകാരം കേസെടുത്തത്. നൂറോളം സി.സി.ടി.വി. പരിശോധിച്ചാണ് പ്രതിയെ തിരിച്ചറിയാന്‍ കഴിഞ്ഞത്. സ്‌കൂട്ടറും കസ്റ്റഡിയിലെടുത്തു.

യുവാവ് അറസ്റ്റില്‍14-കാരിനഗ്‌നത പ്രദര്‍ശനംnudity