പലസ്തീന്‍ അനുകൂല പ്രതിഷേധത്തില്‍ പതാക കത്തിച്ചതിനെ അപലപിച്ചു ഹാരിസ്
വാഷിംഗ്ടണ്‍, ഡിസി -ചില ഫലസ്തീന്‍ അനുകൂല പ്രകടനക്കാര്‍ ഒരു ദിവസം മുമ്പ് ഇസ്രായേല്‍ പ്രധാനമന്ത്രിയുടെ സന്ദര്‍ശനത്തില്‍ പ്രതിഷേധിച്ച് അമേരിക്കന്‍ പതാകകള്‍ കത്തിച്ചതിനെ അപലപിച്ചു ഹാരിസ്
വാഷിംഗ്ടണ്‍ ഡിസിയിലെ ഏറ്റവും തിരക്കേറിയ സ്റ്റേഷനെ തടസ്സപ്പെടുത്തിയ ഇസ്രായേല്‍ വിരുദ്ധ കലാപത്തെ അപലപിച്ച് വൈസ് പ്രസിഡന്റ് കമലാ ഹാരിസ് പ്രസ്താവന ഇറക്കി.
അമേരിക്ക സന്ദര്‍ശിക്കുന്ന ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെതിരായ അക്രമാസക്തമായ പ്രതിഷേധം ആരംഭിച്ച് ഏകദേശം 24 മണിക്കൂറിന് ശേഷമാണ് , ഡെമോക്രാറ്റിക് പ്രസിഡന്റ് സ്ഥാനാര്‍ത്ഥി വ്യാഴാഴ്ച പ്രസ്താവന പുറത്തിറക്കിയത്
"അമേരിക്കന്‍ പതാക കത്തിച്ചതിനെ ഞാന്‍ അപലപിക്കുന്നു. ആ പതാക ഒരു രാഷ്ട്രമെന്ന നിലയില്‍ നമ്മുടെ ഏറ്റവും ഉയര്‍ന്ന ആദര്‍ശങ്ങളുടെ പ്രതീകവും അമേരിക്കയുടെ വാഗ്ദാനത്തെ പ്രതിനിധീകരിക്കുന്നതുമാണ്. അത് ഒരിക്കലും അത്തരത്തില്‍ അപകീര്‍ത്തിപ്പെടുത്താന്‍ പാടില്ല," വൈറ്റ് ഹൗസ് പുറത്തിറക്കിയ പ്രസ്താവനയില്‍ ഹാരിസ് പറഞ്ഞു.
"ഇന്നലെ, വാഷിംഗ്ടണ്‍ ഡിസിയിലെ യൂണിയന്‍ സ്റ്റേഷനില്‍ ദേശസ്‌നേഹമില്ലാത്ത പ്രതിഷേധക്കാരുടെ നിന്ദ്യമായ പ്രവൃത്തികളും അപകടകരമായ വിദ്വേഷം ഉളവാക്കുന്ന പ്രകടനങ്ങളും ഞങ്ങള്‍ കണ്ടു," ഹാരിസ് പറഞ്ഞു. 'ഇസ്രായേല്‍ രാഷ്ട്രത്തെ ഉന്മൂലനം ചെയ്യുമെന്നും ജൂതന്മാരെ കൊല്ലുമെന്നും പ്രതിജ്ഞയെടുക്കുന്ന ക്രൂരമായ ഭീകര സംഘടനയായ ഹമാസുമായി ബന്ധപ്പെടുന്ന ഏതൊരു വ്യക്തിയെയും ഞാന്‍ അപലപിക്കുന്നു.'
നെതന്യാഹു കോണ്‍ഗ്രസിനെ അഭിസംബോധന ചെയ്യുമ്പോള്‍ ബുധനാഴ്ച വാഷിംഗ്ടണ്‍ ഡിസിയില്‍ ഇസ്രായേല്‍ വിരുദ്ധ പ്രകടനങ്ങള്‍ അരങ്ങേറി
മുഖം മറച്ച ഒരു പ്രകടനക്കാരനെയെങ്കിലും, ഭീകര സംഘടനയായ ഹമാസിന്റെ പതാക വഹിച്ചു മറ്റുള്ളവര്‍ 'അല്ലാഹു അക്ബര്‍' എന്ന് ആക്രോശിക്കുന്നത് കേട്ടു.യൂണിയന്‍ സ്റ്റേഷനില്‍, പ്രക്ഷോഭകര്‍ ഒരു അമേരിക്കന്‍ പതാക കത്തിക്കുകയും അമേരിക്കന്‍ പതാകകള്‍ അഴിച്ചുമാറ്റി പകരം ഫലസ്തീന്‍ പതാക സ്ഥാപികുകയും ചെയ്തിരുന്നു .
