ജലനിരപ്പ് ഉയർന്നാൽ അരുവിക്കര, നെയ്യാർ ഡാമുകൾ തുറക്കാൻ സാധ്യത; ജാഗ്രതാ നിർദ്ദേശം

തിരുവനന്തപുരം: ജലനിരപ്പ് ഉയർന്നാൽ നെയ്യാർ, അരുവിക്കര ഡാമുകളിലെ ഷട്ടറുകൾ തുറക്കുമെന്നു ജില്ലാ കലക്ടർ ഡോ. നവ്‌ജ്യോത് ഖോസ അറിയിച്ചു. വൃഷ്ടിപ്രദേശത്തു ശക്തമായ മഴ പെയ്യുന്ന സാഹചര്യത്തിലാണു തീരുമാനം.

നാളെ രാവിലെ ഏഴിന് നെയ്യാർ ഡാമിലെ സ്ഥിതി വിലയിരുത്തി ഷട്ടറുകൾ ഉയർത്തുന്ന കാര്യത്തിൽ തീരുമാനമെടുക്കും. അരുവിക്കര ഡാമിലും ജലനിരപ്പ് ഉയർന്നാൽ ഷട്ടറുകൾ ഉയർത്തും. ഇതു മുൻനിർത്തി നെയ്യാർ, കരമനയാർ എന്നിവയുടെ ഇരു കരകളിലുമുള്ളവർ അതീവ ജാഗ്രത പുലർത്തണമെന്നും കലക്ടർ അറിയിച്ചു.