പതിനേഴുകാരിക്ക് അശ്ലീല സന്ദേശം അയച്ചു; ഭീഷണിപ്പെടുത്തി പീഡിപ്പിക്കാൻ ശ്രമം; യുവാവ് അറസ്റ്റിൽ

കൽപറ്റ: പതിനേഴുകാരിക്ക് അശ്ലീല സന്ദേശം അയച്ച് ഭീഷണിപ്പെടുത്തി പീഡിപ്പിക്കാൻ ശ്രമിച്ച പരാതിയിൽ യുവാവിനെ പൊലീസ് അറസ്റ്റ് ചെയ്തു. 35കാരനായ വെള്ളമുണ്ട കാഞ്ഞായി റഷീദ് ആണ് അറസ്റ്റിലായത്.

മൊബൈൽ ഫോൺ വഴിയാണ് യുവാവ് പെൺകുട്ടിയുമായി ബന്ധം സ്ഥാപിച്ചത്. ഇയാളുടെ മൊബൈൽ ഫോണിൽ നിന്ന് നിരവധി കുട്ടികളുടെ അശ്ലീല വിഡിയോകൾ പൊലീസ് കണ്ടെത്തി. പോക്‌സോ, ഐ.ടി നിയമങ്ങൾ പ്രകാരം കേസെടുത്ത് അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.