നെട്ടിശ്ശേരി മുക്കാട്ടുകര റോഡിന്റെ ശോചനീയാവസ്ഥയ്‌ക്കെതിരെ പ്രതിഷേധിക്കുവാനായി രൂപം കൊണ്ട ജനകീയ കൂട്ടായ്മയുടെ ക്രിസ്തുമസ് നവവത്സര ആഘോഷം ഇന്റർനാഷണൽ ബുക്ക് ഓഫ് റെക്കോർഡ് അവാർഡ് ജേതാവ് ദക്ഷാ ജയകൃഷ്ണൻ ക്രിസ്തുമസ് കേക്ക് മുറിച്ച് വിതരണം ചെയ്ത് ഉദ്ഘാടനം നിർവഹിച്ചു. ദക്ഷാ ജയകൃഷ്ണനും, കേരളോത്സവത്തിൽ തുടർച്ചയായി 7 വർഷം കലയിലും, കായികത്തിലും ഒന്നാം സ്ഥാനം കരസ്ഥമാക്കിയ നെട്ടിശ്ശേരി സോക്കർ സിറ്റി എഫ് സി ക്ലബിനെയും മേള പ്രമാണി കിഴക്കൂട്ട് അനിയന്മാരാർ അനുമോദിച്ചു.
വ്യത്യസ്ത മേഖലകളിൽ കഴിവ് തെളിയിച്ചവരെ പൂരം പ്രേമി സംഘം ഭാരവാഹി വിനോദ് കണ്ടംകാവിൽ ആദരിച്ചു. എക്‌സ് സുബൈദാർ മേജർ കെ.കെ.ഉണ്ണികൃഷ്ണൻ അദ്ധ്യക്ഷത വഹിച്ച ചടങ്ങിൽ ജെൻസൻ ജോസ് കാക്കശ്ശേരി, എ.അഭിലാഷ്, ശശി നെട്ടിശ്ശേരി, സി.രാജൻ, ലക്ഷ്മിക്കുട്ടി, പ്രവീൺ.എ.നായർ, സി.ജെ.രാജേഷ്, നിധിൻ ജോസ്, സോജൻ മഞ്ഞില, ജോർജ്ജ് മഞ്ഞില, ബാസ്റ്റിൻ തട്ടിൽ, മനോജ് പിഷാരടി, കെ.മാധവൻ, ഒ.ആർ.ഹരിദാസ്, സേവ്യർ ചിറ്റിലപ്പിള്ളി, റാഫി അറയ്ക്കൽ, രോഹിത്ത് നന്ദൻ, ദാസൻ, രാജൻ തുടങ്ങിയവർ നേതൃത്വം നൽകി.
