അതിരമ്പുഴ ആശുപത്രിയിൽ രോഗികൾക്ക് ഭക്ഷണവുമായി ശക്തിനഗർ റസിഡന്റ്സ് അസോസിയേഷൻ
- Share
- Tweet
- Telegram
- LinkedIniiiii
ഏറ്റുമാനൂർ : അതിരമ്പുഴ കുടുംബാരോഗ്യകേന്ദ്രത്തിലെ കിടപ്പുരോഗികൾക്കും കൂട്ടിരിപ്പുകാർക്കും ഭക്ഷണവുമായി ഏറ്റുമാനൂർ ശക്തിനഗർ റസിഡന്റ്സ് അസോസിയേഷൻ പ്രവർത്തകർ എത്തി. മന്ത്രി വി എൻ വാസവൻ ഉദ്ഘാടനം ചെയ്ത 'ഉണർവ് 2024' പദ്ധതിയുടെ ഭാഗമായാണ് വിശപ്പ് രഹിത സമൂഹം ലക്ഷ്യമിട്ടുള്ള ഈ പ്രവർത്തനം.
അതിരമ്പുഴ ഗ്രാമ പഞ്ചായത്ത് മുൻ പ്രസിഡന്റ് ബിജു വലിയമല, അസോസിയേഷൻ പ്രസിഡന്റ് എം എസ് മോഹൻദാസ്, പ്രൊജക്റ്റ് കോർഡിനേറ്റർ ദിനേശ് ആർ ഷേണായ്, ലാൽ ഇടമനപ്പാട്ട്, ജി മാധവൻകുട്ടി നായർ, ബി അരുൺകുമാർ, അമ്മിണി സുശീലൻ നായർ എന്നിവർ നേതൃത്വം നൽകി. പദ്ധതിയുടെ ഭാഗമായി ആശുപത്രികളിലും അർഹതയുള്ള ഇതരകേന്ദ്രങ്ങളിലും നിർദനരുടെ ഇടയിലും ഭക്ഷണവിതരണം തുടരുമെന്ന് ഭാരവാഹികൾ അറിയിച്ചു.
Next Story