അഹമ്മദാബാദ്: ഇംഗ്ലണ്ടിനെതിരായ ടെസ്റ്റ് പരമ്പരയിലെ അവസാന ടെസ്റ്റിൽ ഇന്ത്യൻ പേസർ ജസ്പ്രീത് ബുംറ കളിക്കില്ല. വ്യക്തിപരമായ കാരണങ്ങളെ തുടർന്നാണ് താരത്തിന്റെ പിന്മാറ്റമെന്നാണ് റിപ്പോർട്ട്.ഇതോടെ മാർച്ച് നാലിന് ആരംഭിക്കാനിരിക്കുന്ന നാലാമത്തെയും അവസാനത്തെയും ടെസ്റ്റിൽ ബുംറയുടെ സേവനം ഇന്ത്യയ്ക്കുണ്ടാകില്ല.

തന്നെ ടീമിൽ നിന്ന് റിലീസ് ചെയ്യണമെന്ന ബുംറയുടെ അപേക്ഷ ബി.സി.സിഐ അംഗീകരിക്കുകയായിരുന്നു. ശനിയാഴ്ചയാണ് താരത്തെ ടീമിൽ നിന്ന് റിലീസ് ചെയ്തത്. ബുംറയ്ക്ക് പകരം മറ്റൊരു താരത്തെ ടീമിലെടുക്കില്ല. നേരത്തെ പരമ്പരയിലെ രണ്ടാം ടെസ്റ്റിൽ ബുംറയ്ക്ക് വിശ്രമം അനുവദിച്ചിരുന്നു.

വെറും 19 ടെസ്റ്റ് മത്സരങ്ങൾ മാത്രം കളിച്ച ബുംറ അഞ്ച് അഞ്ചു വിക്കറ്റ് നേട്ടങ്ങൾ സഹിതം 83 വിക്കറ്റുകൾ വീഴ്‌ത്തിയ താരമാണ്.

 

 

ഇന്ത്യ ഇംഗ്ലണ്ട് പരമ്പരജസ്പ്രീത് ബുംറനാലാം ടെസ്റ്റ്