അമ്പമ്പോ.. എന്തൊരു ലുക്ക്.. എന്തൊരു മൊഞ്ച്..! വീണ്ടും ചുള്ളൻ വേഷത്തിൽ മമ്മൂട്ടി; സോഷ്യൽ മീഡിയയിൽ വീണ്ടും തരംഗമായി മമ്മൂട്ടിയുടെ പുത്തൻ ചിത്രങ്ങൾ

കൊച്ചി: മലയാള സിനിമയുടെ സ്വകാര്യ അഹങ്കാരമാണ് നടൻ മമ്മൂട്ടി. മലയാളികൾ സ്‌നേഹത്തോടെ മമ്മൂക്ക എന്ന് വിളിക്കുന്ന താരത്തിനെ കണ്ടാൽ ഇപ്പോഴും ചെറുപ്പമാണ്. ഈ പ്രായത്തിലും സൗന്ദര്യം കൊണ്ടും അഭിനയം കൊണ്ടും മലയാളികളെ അമ്പരപ്പിക്കുന്ന നടൻ. പല വേഷങ്ങളിൽ അഭിനയിച്ചു മലയാളികളെ അമ്പരപ്പിക്കുകായണ് താരം ഇപ്പോൾ. സൈബറിടത്തിൽ മമ്മൂട്ടിയുടെ ഒാരോ ലുക്കും ഹിറ്റാകാറുണ്ട്. ഇപ്പോഴിതാ താരത്തിന്റെ പുതിയ ലുക്കും സൈബറിടത്തിൽ തരംഗമാകുകയാണ്.

കഴിഞ്ഞ ദിവസം നടന്ന 'കാതൽ ദി കോർ', 'കണ്ണൂർ സ്‌ക്വാഡ്' എന്നീ ചിത്രങ്ങളുടെ സക്സസ് സെലിബ്രേഷനിഇ നിന്നുള്ള ചിത്രങ്ങാണ് സോഷ്യൽ മീഡിയയിൽ തരംഗമാകുന്നത്. വൈറ്റും വൈറ്റും അണിഞ്ഞ മാസ്സ് ലുക്കിൽ ആണ് താരം പ്രത്യക്ഷപ്പെട്ടത്.

ഫേസ്‌ബുക്കിൽ ഫോട്ടോസ് പങ്കുവെച്ചതിന് പിന്നാലെ നിരവധി കമന്റുകളാണ് എത്തുന്നത്. 'എന്ത് മൊഞ്ച് ആണ് ഇക്ക', 'ലുക്ക് എന്നൊക്കെ പറഞ്ഞാൽ ഇതാണ്', 'ഇങ്ങേരിത് എന്ത് ഭാവിച്ചാ', 'ഇടയ്ക്ക് വരുന്നു ഒരു ഫോട്ടോ ഇടുന്നു സോഷ്യൽ മീഡിയ കത്തിക്കുന്നു', 'വല്ലാത്ത ജാതി മനുഷ്യൻ', 'എജ്ജാതി ലുക്ക് ആണ്', എന്നിങ്ങനെ നീളുന്ന കമന്റുകളാണ് ചിത്രത്തിന് ലഭിക്കുന്നത്. എന്തായാലും പുതിയ ചിത്രങ്ങൾ എപ്പോഴത്തെയും പോലെ ആരാധകർ നെഞ്ചേറ്റിയിരിക്കുകയാണ്.

അതേസമയം, മമ്മൂട്ടിയുടെ പുതിയ ചിത്രം 'ഭ്രമയുഗം' 50 കോടി ക്ലബ്ബിൽ ഇടം നേടി. ബ്ലാക്ക് ആൻഡ് വൈറ്റിൽ കഥ പറയുന്ന സിനിമയ്ക്ക് ലഭിക്കുന്ന സ്വീകാര്യത കളക്ഷനിലും പ്രകടമാണ്. നിർമ്മാതാവ് ആന്റോ ജോസഫാണ് ഈ വിവരം പ്രേക്ഷകരെ ഫേസ്‌ബുക്കിലൂടെ അറിയിച്ചത്. രാഹുൽ സദാശിവൻ സംവിധാനം ചെയ്ത ഹൊറർ ത്രില്ലർ ചിത്രമാണ് ഭ്രമയുഗം. ചിത്രത്തിൽ പ്രതിനായക വേഷമാണ് മമ്മൂട്ടിക്ക്. അർജുൻ അശോകനാണ് ചിത്രത്തിൽ നായക വേഷം കൈകാര്യം ചെയ്യുന്നത്.