അടിമുടി അമ്പരപ്പിച്ചു പാർവതിയുടെ പുതിയ മേക്കോവർ; ഇത് നമ്മുടെ പാർവതി തന്നെയാണോ എന്നു ചോദിച്ചു ആരാധകർ

കൊച്ചി: മലയാളത്തിലെ പ്രിയങ്കരിയായ നടിയാണ് പാർവതി തിരുവോത്ത്. കാമ്പുള്ള കഥാപാത്രങ്ങൾ അവതരിപ്പിച്ചു കൊണ്ടു ശ്രദ്ധനേടിയ നടി. സോഷ്യൽ മീഡിയയിൽ ആക്റ്റീവായ താരം തന്റെ നിലപാടുകൾ തുറന്നു പറയാൻ മടിക്കാറില്ല. ഇപ്പോൾ വൈറലാവുന്നത് പാർവതിയുടെ പുതിയ ഫോട്ടോഷൂട്ടാണ്.

വമ്പൻ മേക്കോവറിലാണ് പാർവതി പ്രത്യക്ഷപ്പെടുന്നത്. ബാങ്‌സ് വച്ചാണ് പാർവതിയെ ചിത്രത്തിൽ കാണുന്നത്. കണ്ണുകൾക്ക് പ്രാധാന്യം നൽകിക്കൊണ്ടുള്ളതാണ് മേക്കപ്പ്. പിങ്ക് നിറത്തിലുള്ള ഡ്രസ്സിലാണ് പാർവതി എത്തുന്നത്. മുത്തുകൾ കൊണ്ടുള്ള ഒരു മാല മാത്രമാണ് താരം അക്‌സസറിയായി ഉപയോ?ഗിച്ചിരിക്കുന്നത്. പിങ്ക് ഷാഫി ഷക്കീർ ആണ് ചിത്രങ്ങൾ പകർത്തിയിരിക്കുന്നത്. സാംസൺ ലേ ആണ് മേക്കപ്പ് ചെയ്തിരിക്കുന്നത്. സ്മിജിയാണ് സ്റ്റാലിസ്റ്റ്.

ചിത്രത്തിൽ അതീവ സുന്ദരിയാണ് പാർവതി. വ്യത്യസ്ത ലുക്കിലുള്ള ചിത്രങ്ങൾ ആരാധകരുടെ മനം കവർന്നിരിക്കുകയാണ്. നിരവധി പേരാണ് താരത്തെ പ്രശംസിച്ചുകൊണ്ട് കമന്റ് ചെയ്തിരിക്കുന്നത്.