മനാമ: ബഹ്‌റൈനിൽ കോവിഡ് പോസിറ്റീവായ 12 വയസ്സുള്ള സ്വദേശി പെൺകുട്ടിയിൽ നിന്ന് രോഗം ബാധിച്ചത് ആറ് വീടുകളിലെ 28 പേർക്ക്. ഇതിൽ 23 പേർക്ക് പ്രാഥമിക സമ്പർക്കത്തിലൂടെയും അഞ്ചുപേർക്ക് ദ്വിതീയ സമ്പർക്കം വഴിയുമാണ് രോഗം ബാധിച്ചത്.

കുട്ടിയുടെ മാതാവ്, സഹോദരന്മാർ, ബന്ധുക്കൾ എന്നിവർക്കാണ് രോഗം പകർന്നത്. ഇതിൽ ആറുപേർ 10 വയസ്സിൽ താഴെയുള്ളവരാണ്. ബഹ്‌റൈൻ ആരോഗ്യ മന്ത്രാലയം പുറത്തുവിട്ട സമ്പർക്ക പരിശോധനാ റിപ്പോർട്ടിലാണ് ഈ വിവരങ്ങൾ ഉൾപ്പെടുത്തിയിട്ടുള്ളത്. 18,309 കോവിഡ് കേസുകളാണ് മെയ്‌ 27 മുതൽ ജൂൺ രണ്ടുവരെയുള്ള കാലയളവിൽ രാജ്യത്ത് സ്ഥിരീകരിച്ചത്. ഇതിൽ 10,669 പേർ സ്വദേശികളും 7,640 പേർ വിദേശികളുമാണ്.

 

കോവിഡ്ബഹറിൻ

മറുനാടന്‍ മലയാളി

    മറുനാടന്‍ മലയാളി ബ്യൂറോ