50 കീലോ റേഷനരിയിൽ നിന്നും രൂക്ഷഗന്ധം; പരിശോധിച്ചപ്പോൾ അരിക്കുള്ളിൽ ചത്ത പാമ്പ്; പരാതിയുമായി ബിന്നിയും കുടുംബവും

കൽപ്പറ്റ: വയനാട്ടിൽ റേഷനരിയിൽ ചത്ത പാമ്പിനെ കണ്ടെത്തി. മാനന്തവാടി മുതിരേരി കരിമത്തിൽ പണിയ ഊരിലെ ബിന്നി എന്നയാൾ വാങ്ങിയ റേഷനരിയിലാണ് ചത്ത പാമ്പിനെ കണ്ടത്.

കോളനിക്ക് അടുത്തുള്ളത് തിടങ്ങഴി റേഷൻ കടയിൽ നിന്നും ആണ് കഴിഞ്ഞ ആഴ്ചയാണ് ഇവർ അരി വാങ്ങിയത്. 50 കിലോ അരി ആയതിനാൽ ആദ്യം സംശയമൊന്നും തോന്നിയില്ല.

പിന്നീട് രൂക്ഷ ഗന്ധം അനുഭവപ്പെട്ടതോടെയാണ് ചാക്കിലെ അരി പരിശോധിച്ചത്. ഇതോടെയാണ് ചത്ത പാമ്പിനെ കണ്ടത്. ഈ അരികൊണ്ട് തയ്യാറാക്കിയ ഭക്ഷണമാണ് ഇവർ രണ്ടു ദിവസമായി കഴിച്ചത്.

ഇതുമൂലം ആരോഗ്യപ്രശ്‌നങ്ങൾ ഉണ്ടാകുമോ എന്ന ഭീതിയിലാണ് ബിന്നി.