എന്റെ എല്ലാ ഭ്രാന്തിനും ഒപ്പം നിൽക്കുന്നതിന് നന്ദി'; വിവാഹനിശ്ചയത്തിന്റെ ഒന്നാം വാർഷികം വേറിട്ട രീതിയിൽ ആഘോഷിച്ച് എലീന പടിക്കലും രോഹിത്തും; വൈറലായി ചിത്രങ്ങൾ
വിവാഹനിശ്ചയത്തിന്റെ ഒന്നാം വാർഷികദിനം വേറിട്ട രീതിയിൽ ആഘോഷിച്ച് എലീനപടിക്കലും രോഹിത്തും.ആഘോഷത്തിന്റെ ഫോട്ടോകളും സോഷ്യൽ മീഡിയകളിൽ വൈറലാണ്.നിശ്ചയത്തിന് ധരിച്ച അതേ വസ്ത്രം ധരിച്ചാണ് ഭർത്താവ് രോഹിത്തിനൊപ്പം താരത്തിന്റെ ഫോട്ടോഷൂട്ട്. ഈ വസ്ത്രം വീണ്ടും ധരിക്കുമെന്നോ ഇങ്ങനെ സംഭവിക്കുമെന്നോ ചിന്തിച്ചിരുന്നില്ലെന്ന് ചിത്രങ്ങക്കൊപ്പം എലീന കുറിച്ചു. നിശ്ചയത്തിന് താരത്തെ ഒരുക്കിയ മേക്കപ് ആർട്ടിസ്റ്റും ചിത്രങ്ങൾ പകർത്തിയ അതേ ഫൊട്ടോഗ്രഫി സംഘവുമാണ് ഷൂട്ടിന്റെ ഭാഗമായത്.
2021 ജനുവരി 20ന് ആയിരുന്നു എലീന പടിക്കലിന്റെയും രോഹിത് പ്രദീപിന്റെയും വിവാഹനിശ്ചയം. ''എന്റെ ജീവിതത്തിലെ സ്‌പെഷൽ ഔട്ട്ഫിറ്റ് വീണ്ടും ധരിക്കാനാവുമെന്ന് ഒരിക്കലും കരുതിയിരുന്നില്ല. അതും അതേ ദിവസം. ഒപ്പം അന്നത്തെ മേക്കപ് ആർട്ടിസ്റ്റും ഫൊട്ടോഗ്രഫി ടീമും കൂടെ എന്റെ കൂട്ടുകാരും. എന്റെ എല്ലാ ഭ്രാന്തിനും ഒപ്പം നിൽക്കുന്നതിന് നന്ദി രോഹിത്. നന്ദി അച്ഛാ, അമ്മേ'' എലീന കുറിച്ചു.
ഗോൾഡൻ നിറത്തിലുള്ള ക്രോപ് ടോപ്പും സ്‌കർട്ടുമായിരുന്നു എലീന വിവാഹനിശ്ചയത്തന് ധരിച്ചത്. താരത്തിന്റെ പഴ്‌സനൽ സ്‌റ്റൈലിസ്റ്റ് നിതിൻ സുരേഷും ഡിസൈനർ സമീറ ഷൈജു (തനൂസ് ബുട്ടീക് കൊല്ലം) ചേർന്നാണ് ഈ സിഗ്‌നേച്ചർ വസ്ത്രം ഒരുക്കിയത്. 2021 ഓഗസ്റ്റ് 30ന് ആയിരുന്നു എലീനയും രോഹിത്തും വിവാഹിതരായത്. ഏഴു വർഷം നീണ്ട പ്രണയത്തിനുശേഷമായിരുന്നു വിവാഹം
