രജൗരിയിൽ ഭീകരരുമായി ഏറ്റുമുട്ടൽ; ഒരു ഭീകരനെ സൈന്യം വധിച്ചു; ഒരു ജവാന് വീരമൃത്യു; രണ്ട് ജവാന്മാർക്ക് പരിക്ക്; ഏറ്റുമുട്ടൽ തുടരുന്നു

ശ്രീനഗർ: ജമ്മു കശ്മീരിലെ രജൗരിയിൽ ഭീകരരുമായുള്ള ഏറ്റുമുട്ടലിൽ ഒരു സൈനികന് വീരമൃത്യു. രണ്ട് ജവാന്മാർക്ക് പരിക്കേറ്റു. ഒരു ഭീകരനെ സൈന്യം വധിച്ചു. ഏറ്റുമുട്ടൽ ഇപ്പോഴും തുടരുകയാണ്.

രജൗരിയിലെ തനമണ്ടി പ്രദേശത്താണ് ഏറ്റുമുട്ടൽ നടക്കുന്നത്. ഈ മാസം ആറിന് ഇതേസ്ഥലത്ത് രണ്ട് ഭീകരരെ സൈന്യം വധിച്ചിരുന്നു. 

ഭീകരരുടെ സാന്നിധ്യം സ്ഥിരീകരിച്ചതിനെ തുടർന്ന് രജൗരി ജില്ലയിലെ തനാമണ്ടി വനമേഖലയിൽ സുരക്ഷാ സേനയുടെ നേതൃത്വത്തിൽ വൻതോതിൽ തിരച്ചിൽ നടത്തിയിരുന്നു. തുടർന്ന് ഭീകരർ സൈന്യത്തിന് നേരെ വെടിയുതിർക്കുകയായിരുന്നു. സുരക്ഷ സേന ശക്തമായി തിരിച്ചടിച്ചു.

Jammu & Kashmir: Encounter breaks out in Thanamandi area of Rajouri district. Details awaited

Two terrorists were shot down by police in the same area on August 6

- ANI (@ANI) August 19, 2021