നാട്ടുകാരെ ആക്രമിച്ചു; പിടികൂടാൻ ശ്രമിക്കുന്നതിനിടെ വനം വകുപ്പ് ഉദ്യോഗസ്ഥർക്കെതിരെ പാഞ്ഞടുത്ത് കരടി; പോരാട്ടത്തിനിടെ വെടിയുതിർത്ത് ഉദ്യോഗസ്ഥർ; വീഡിയോ ദൃശ്യങ്ങൾ പുറത്ത്
ചമോലി: പ്രദേശവാസികളെ ആക്രമിച്ച കരടിയെ പിടികൂടാനുള്ള ശ്രമത്തിനിടെ വനംവകുപ്പ് ഉദ്യോഗസ്ഥരെയും ആക്രമിച്ചതോടെ വെടിവെച്ചു കൊന്നു. ഉത്തരാഖണ്ഡിൽ ചമോലിയിലെ ജോഷിമഠ് മേഖലയിൽ ബുധനാഴ്ച ഉച്ചക്കാണ് സംഭവം. വനംവകുപ്പ് ഉദ്യോഗസ്ഥരെ കരടി ആക്രമിക്കുന്നതിന്റെയും തുടർന്ന് അതിനെ വെടിവെച്ചു കൊല്ലുന്നതിന്റെയും വീഡിയോ ദൃശ്യങ്ങൾ പുറത്തുവന്നു.
പ്രദേശവാസികളെ കരടി ആക്രമിച്ചതോടെയാണ് വനംവകുപ്പ് ഉദ്യോഗസ്ഥർ പ്രദേശത്ത് എത്തിയതെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു. സംഭവത്തിന്റെ ചെറു വീഡിയോയും എഎൻഐ ട്വിറ്ററിൽ പങ്കുവെച്ചിട്ടുണ്ട്.
#WATCH | Forest officials shot dead a sloth bear after it attacked some of them when they were trying to catch it in Joshimath area of Chamoli, Uttarakhand last night.
- ANI (@ANI) September 22, 2021
A team of forest officials tried to catch the bear after it attacked some locals.
(Video: Forest Department) pic.twitter.com/emTxmuMBcm
പ്രദേശത്തെത്തിയ 15 അംഗസംഘം കരടിയെ പിടികൂടാനായി വല എറിഞ്ഞുവെന്നും എന്നാൽ കരടി ഉദ്യോഗസ്ഥരെ ആക്രമിക്കുകയായിരുന്നുവെന്നും വനംവകുപ്പ് പ്രസ്താവനയിൽ അറിയിച്ചു. ആക്രമണത്തിൽ അഞ്ച് വനംവകുപ്പ് ഉദ്യോഗസ്ഥർക്ക് പരിക്കേറ്റു. ഉദ്യോഗസ്ഥരുടെ ജീവൻ രക്ഷിക്കാനായി വനംവകുപ്പ് കരടിയെ വെടിവെച്ച് കൊല്ലുകയായിരുന്നുവെന്നും പ്രസ്താവനയിൽ പറയുന്നു.
