തിരുവനന്തപുരം മെഡിക്കൽ കോളേജ് മുൻ സെക്യൂരിറ്റി ജീവനക്കാരൻ തൂങ്ങിമരിച്ചനിലയിൽ; മരണം ജോലി നഷ്ടപ്പെട്ടതിനെത്തുടർന്നെന്ന് നിഗമനം

തിരുവനന്തപുരം തിരുവനന്തപുരം മെഡിക്കൽ കോളേജിലെ മുൻ സെക്യൂരിറ്റി ജീവനക്കാരനെ വീട്ടിനുള്ളിൽ തൂങ്ങി മരിച്ചനിലയിൽ കണ്ടെത്തി. മണ്ണന്തല ചെഞ്ചേരി ലെയിൻ സി ആർ എ156 പണയിൽ വീട്ടിൽ പരേതനായ ജോസഫിന്റെയും വസന്തകുമാരിയുടെയും മകൻ ജിൻസ് ജോസഫ് (39) ആണ് മരിച്ചത്.

കോവിഡ് ബ്രിഗേഡിന്റെ ഭാഗമായി മെഡിക്കൽ കോളേജ് ആശുപത്രിയിൽ സെക്യൂരിറ്റി ജോലിചെയ്തുവരവെ കഴിഞ്ഞ മാസം ജോലി നഷ്ടപ്പെട്ടിരുന്നു. ജിൻസിന്റെ അച്ഛൻ ജോസഫ് കഴിഞ്ഞയാഴ്ചയാണ് മരിച്ചത്.