ഒമാനിൽ ഇന്ധന വില വർധിക്കും

മസ്‌കത്ത്: ഒമാനിൽ 2021 ഒക്ടോബർ മാസത്തേക്കുള്ള ഇന്ധനവില ദേശീയ സബ്‌സിഡി കാര്യാലയം പ്രഖ്യാപിച്ചു. എം 91 പെട്രോളിന് 229 ബൈസയും എം 95 പെട്രോളിന് 239 ബൈസയുമാണ് ലിറ്ററിന് വില.

ഡീസൽ വില ലിറ്ററിന് 258 ബൈസയുമായിരിക്കും ഒക്ടോബർ മാസത്തെ വില. സെപ്റ്റംബർ മാസത്തെ വിലയെ അപേക്ഷിച്ച് എം 91 പെട്രോളിന് മൂന്ന് ബൈസയുടെയും എം 95 പെട്രോളിനു രണ്ട് ബൈസയുടെ വർധനവുമാണ് ഉണ്ടായിരിക്കുന്നത്. ഡീസലിന് ഒരു ലിറ്ററിന് മുകളിൽ പതിനൊന്നു ഒമാനി ബൈസയാണ് വർധിപ്പിച്ചിരിക്കുന്നത്.