രാജ്യത്ത് വീണ്ടും കൂട്ട ബലാത്സംഗം; 35 കാരിയെ 17 പേർ ചേർന്ന് പീഡിപ്പിച്ചു; കൃത്യം ഭർത്താവിനെ ബന്ദിയാക്കിയ ശേഷം; സംഭവം ഝാർഖണ്ഡിൽ

ധുംക: രാജ്യത്തെ ഞെട്ടിച്ച് വീണ്ടും കൂട്ടബലാത്സംഗം.ഝാർഖണ്ഡിലെ ധുംകയിലാണ് യുവതി കൂട്ടബലാത്സംഗത്തിനിരയായത്. 35കാരിയെ 17പേർ ചേർന്ന് പീഡിപ്പിക്കുകയായിരുന്നു. ചൊവ്വാഴ്ച രാത്രി ഭർത്താവിനൊപ്പം ചന്തയിൽ നിന്ന് വീട്ടിലേക്കു മടങ്ങവേയാണ് യുവതി ക്രൂരപീഡനത്തിന് ഇരയായത്.ഭർത്താവിനെ ആക്രമിക്കുകയും ബന്ദിയാക്കുകയും ചെയ്ത ശേഷമാണ് പീഡനം.

പ്രതികളിൽ ഒരാൾ പരിചയക്കാരനാണെന്ന് യുവതി മൊഴി നൽകിയിട്ടുണ്ട്. ഇയാൾ പൊലീസ് കസ്റ്റഡിയിലാണ്. യുവതിയുടെ വൈദ്യപരിശോധന പൂർത്തിയായി. ജെഎംഎം- കോൺഗ്രസ് സഖ്യ സർക്കാരിനു കീഴിൽ ക്രമസമാധാന നില തകർന്നുവെന്നും സ്ത്രീ സുരക്ഷയില്ലെന്നും ബിജെപി ആരോപിച്ചു.