ചപ്പാത്തിക്കല്ലിൽ ഒളിപ്പിച്ചും സ്വർണം കടത്താൻ ശ്രമം; മലപ്പുറം സ്വദേശി കരിപ്പൂരിൽ പിടിയിൽ

കരിപ്പൂർ: ചപ്പാത്തിക്കല്ലിനുള്ളിൽ ഒളിപ്പിച്ച് സ്വർണം കടത്താൻ ശ്രമിച്ച മലപ്പുറം സ്വദേശി കരിപ്പൂർ വിമാനത്താവളത്തിൽ പിടിയിൽ. ഷീറ്റ് രൂപത്തിലാക്കി ചപ്പാത്തിക്കല്ലിനുള്ളിൽ കടത്താൻ ശ്രമിച്ച സ്വർണമാണ് കസ്റ്റംസ് പിടികൂടിയത്.

ജിദ്ദയിൽ നിന്നെത്തിയ മലപ്പുറം സ്വദേശി സമീജ് ആണ് സ്വർണം കടത്താൻ ശ്രമിച്ച് പിടിയിലായത്. 30 ലക്ഷം രൂപ മൂല്യമുള്ള 796.4 ഗ്രാം സ്വർണമാണ് പിടികൂടിയത്. കരിപ്പൂർ എയർ ഇന്റലിജൻസ് വിഭാഗം ബാഗേജ് ചെക് ഇൻ പരിശോധനയിലാണ് സ്വർണം പിടികൂടിയത്.