ലക്ഷ്യം ജയം മാത്രം; ഐപിഎല്ലിൽ ഇന്ന് പഞ്ചാബ്-കൊൽക്കത്ത അങ്കം; ബാറ്റിങ് പ്രതിസന്ധികളെ മറികടക്കാൻ കൊൽക്കത്ത; സ്ഥിരത നിലനിർത്താൻ പഞ്ചാബും

അഹമ്മദാബാദ്: ഐപിഎല്ലിൽ ഇന്ന് പഞ്ചാബ് കിങ്സ്-കൊൽക്കത്ത നൈറ്റ് റൈഡേഴ്സ് പോരാട്ടം. അഹമ്മദാബാദിൽ വൈകിട്ട് 7.30 ന് മത്സരം. അഹമ്മദാബാദിൽ ഈ സീസണിൽ നടക്കുന്ന ആദ്യ ഐപിഎൽ മത്സരമാണിത്.

തുടർ തോൽവികളെ തുടർന്ന് പട്ടികയിൽ ഏറ്റവും അവസാനമാണ് കൊൽക്കത്ത. ബാറ്റിംഗാണ് കൊൽക്കത്തയ്ക്ക് തലവേദന. ഓയിൻ മോർഗനും ദിനേശ് കാർത്തിക്കുമടക്കമുള്ളവർ ഇതുവരെ താളം കണ്ടെത്തിയിട്ടില്ല. ബൗളിങ് വിഭാഗം പിന്നെയും മെച്ചമാണ്. അതേസമയം ഒടുവിലെ മത്സരത്തിൽ കരുത്തരായ മുംബൈ ഇന്ത്യൻസിനെ തോൽപിച്ചാണ് പഞ്ചാബ് എത്തുന്നത്. എന്നാൽ സ്ഥിരതയുള്ള പ്രകടനം ഇല്ലാത്തത് സീസണിൽ ടീമിന് തിരിച്ചടിയാവുന്നു.