കോടിയേരി സെക്രട്ടറി പദവിയിൽ നിന്ന് മാറിയതിൽ അഭിപ്രായം പറയാനില്ല; അത് സിപിഎമ്മിന്റെ ആഭ്യന്തര പ്രശ്‌നം; ഒരാൾക്ക് അസുഖം വന്നാൽ അവധി എടുക്കണ്ടെ എന്നും കാനം രാജേന്ദ്രൻ

തിരുവനന്തപുരം: കോടിയേരി ബാലകൃഷ്ണൻ സിപിഎം സംസ്ഥാന സെക്രട്ടറി സ്ഥാനത്തുനിന്നും മാറിയതിനെ കുറിച്ച് അഭിപ്രായം പറയാനില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. കോടിയേരി ഒഴിഞ്ഞത് സിപിഎമ്മിന്റെ ആഭ്യന്തരപ്രശ്‌നമാണ്. ഒരാൾക്ക് അസുഖം വന്നാൽ അവധിയെടുക്കേണ്ടേ എന്നും കാനം ചോദിച്ചു.

തുടർ ചികിത്സ ആവശ്യമായതിനാൽ സെക്രട്ടറി ചുമതലയിൽനിന്നും അവധി അനുവദിക്കണമെന്ന കോടിയേരിയുടെ ആവശ്യം സംസ്ഥാന സെക്രട്ടറിയേറ്റ് അംഗീകരിക്കുകയായിരുന്നു. കോടിയേരിയുടെ സ്ഥാനമൊഴിയൽ പിബിയും കേന്ദ്ര കമ്മിറ്റിയും അംഗീകരിച്ചിട്ടുണ്ട്. എ. വിജയരാഘവനാണ് താത്കാലിക ചുമതല.