ചെന്നൈ: മുൻ രാഷ്ട്രപതി എ.പി.ജെ. അബ്ദുൾ കലാമിനെക്കുറിച്ചുള്ള ഓഡിയോ ആൽബം 'കനവ്' ചെന്നൈയിൽ ഇന്നലെ പ്രകാശനം ചെയ്തു. കലാമിന്റെ ജീവിതകഥ അഞ്ചു മിനിറ്റു ദൈർഘ്യമുള്ള പാട്ടിലൂടെയാണ് ആവിഷകരിച്ചിരിക്കുന്നത്.

ക്രിയേറ്റീവ് വേവ്‌സ് സ്റ്റുഡിയോ നിർമ്മിച്ചിരിക്കുന്ന ആൽബത്തിനു സംഗീതം നല്കിയിരിക്കുന്നതു ഡേവിഡ് ക്ലിന്റനാണ്. വരികളും ആലാപനവും സെങ്കതിർവനാണ് നിർവഹിച്ചിരിക്കുന്നത്. വ്യവസായ പ്രമുഖൻ വി.ജി. സന്തോഷം ആൽബം പ്രകാശനംചെയ്തു.

എ.പി.ജെ എം.ജി.ഷെയ്ക്ക് ദാവൂദും സാമൂഹിക പ്രവർത്തകൻ കെ.അബ്ദുൾ ഘാനിയും ചേർന്ന് ഏറ്റുവാങ്ങി. ചടങ്ങിൽ പങ്കെടുക്കാനായതിൽ അതിയായ സന്തോഷമുണെ്ടന്നും ഈ ആൽബം യുവാക്കളുടെ ചിന്തകളെ ഉദ്ദീപിക്കുമെന്നും ഷെയ്ക്ക് ദാവൂദ് പറഞ്ഞു.