അയർലന്റിലെ നിയന്ത്രണങ്ങൾ മെയ് വരെ തുടരാൻ സാധ്യത; രോഗികളുടെ എണ്ണം കൂടുന്നതോടെ വരുന്ന മാസങ്ങളിലും നിയന്ത്രണങ്ങൾ തുടരുന്ന കാര്യം സർക്കാർ പരിഗണനയിൽ; ഇന്ന് നടക്കുന്ന ചർച്ചയിൽ അന്തിമ തീരുമാനമാകും
- Share
- Tweet
- Telegram
- LinkedIniiiii
ഏപിൽ അഞ്ചിന് നിലവിലെ ലെവൽ അഞ്ച് നിയന്ത്രണങ്ങൾ അവസാനിക്കാനിരിക്കെ വരും മാസങ്ങളിലും കർശന നിയന്ത്രണങ്ങൾ രാജ്യത്ത് തുടരുമെന്ന റിപ്പോർട്ട് പുറത്ത് വന്നു. ഡബ്ലിനിൽ അടക്കം കേസുകളുടെ എണ്ണത്തിൽ ആശങ്കകൾ ഉയർന്നതിനാൽ ആണ് ലോക്ക്ഡൗൺ നിയന്ത്രണങ്ങളിൽ കാര്യമായ ഇളവ് ഉണ്ടാകില്ലെന്ന സൂചന പുറത്ത് വന്നത്.
നിയന്ത്രണങ്ങൾ എപ്പോൾ ലഘൂകരിക്കുമെന്ന് ചർച്ച ചെയ്യാൻ ചൊവ്വാഴ്ച മന്ത്രിസഭ യോഗം ചേരും. വൈറസിന്റെ നാലാമത്തെ തരംഗത്തെക്കുറിച്ച് പുതിയ ആശങ്കകൾ ഉയരുന്നതിനിടെയാണ് യോഗം ചേരുന്നതും. അതുകൊണ്ട് തന്നെ ഇളവുകൾ ലഭിക്കില്ലെന്ന സൂചനകളാണ് പുറത്ത് വരുന്നതും.5 കിലോമീറ്റർ പരിധി ഉയർത്തുന്നത് ഉൾപ്പെടെ, നിയന്ത്രണങ്ങളുടെ കുറഞ്ഞ ഇളവുകൾ അടുത്ത ആഴ്ച സ്ഥിരീകരിക്കും
കുട്ടികൾക്ക് ഔട്ട്ഡോർ കായിക വിനോദത്തിലേക്ക് മടങ്ങാൻ അനുവാദമുണ്ടെന്നും രണ്ട് വീടുകൾക്ക് ഔട്ട്ഡോർ സന്ദർശിക്കാൻ അനുവാദം ലഭിക്കുമെന്നും സൂചനകൾ പുറത്ത് വരുന്നുണ്ട്.ഏപ്രിൽ 5 മുതൽ നിയന്ത്രണങ്ങൾ ലഘൂകരിക്കുന്നതിനുള്ള സംബന്ധിച്ച് പൊതുജനാരോഗ്യ ഉദ്യോഗസ്ഥരും സർക്കാർ മന്ത്രിമാരും ഇന്ന് ചർച്ച ചെയ്യും.