മിന്നൽ മുരളിയും നേരിട്ട് ഒടിടിയിലേക്ക്; ചിത്രമെത്തുക നെറ്റ്ഫ്ളിക്സിൽ സെപ്റ്റംബറോടെ
- Share
- Tweet
- Telegram
- LinkedIniiiii
തിരുവനന്തപുരം: ടൊവിനോ തോമസ് നായകനാകുന്ന മിന്നൽ മുരളി നെറ്റ്ഫ്ളിക്സിലൂടെ ഒടിടി റിലീസിനൊരുങ്ങുന്നു. ചിത്രം സെപ്റ്റംബറിൽ റിലീസ് ചെയ്യുമെന്നാണ് റിപ്പോർട്ട്. സിനിമയുടെ അവകാശം വമ്പൻ തുകയ്ക്കാണ് കമ്പനി സ്വന്തമാക്കിയതെന്ന് ട്രേഡ് അനലിസ്റ്റ് ശ്രീധർ പിള്ള ട്വീറ്റ് ചെയ്തു.
ടൊവിനോയെ നായകനാക്കി ബേസിൽ ജോസഫ് സംവിധാനം ചെയ്യുന്ന രണ്ടാമത്തെ ചിത്രമാണ് മിന്നൽ മുരളി. ഗോദയാണ് ഇരുവരും ഒന്നിച്ച ആദ്യ ചിത്രം. വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ സോഫിയ പോൾ ആണ് മിന്നൽ മുരളിയുടെ നിർമ്മാണം. മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം എത്തും. അജു വർഗീസ്, ബൈജു, ഹരിശ്രീ അശോകൻ, ഫെമിന ജോർജ് തുടങ്ങിയവരും സിനിമയിൽ അഭിനയിച്ചിട്ടുണ്ട്.
മറുനാടന് മലയാളി ബ്യൂറോ
Next Story