നമീബിയയിൽ നിന്ന് എത്തിച്ച ചീറ്റപുലി ജനവാസ മേഖലയിലേക്ക് കടന്നു; നാഷണൽ പാർക്കിലേക്ക് തിരികെ കൊണ്ടുവരാനുള്ള ശ്രമങ്ങൾ തുടങ്ങി

ഭോപ്പാൽ: നബീമിയയിൽ നിന്നും കുനോ നാഷണൽ പാർക്കിൽ എത്തിച്ച ചീറ്റപ്പുലികളിലൊന്ന് ജനവാസമേഖലയിലേക്ക് കടന്നു. നാഷണൽ പാർക്കിൽ നിന്ന് 20 കിലോമീറ്റർ അകലെ മധ്യപ്രദേശിലെ ഷിയോപൂർ ജില്ലയിലെ വിജയ്പൂർ തെഹ്സിലിലെ ഒരു ഗ്രാമത്തിലേക്കാണ് ചീറ്റപ്പുലി കടന്നത്.

ഒബാൻ എന്ന പേരുള്ള ചീറ്റ ഗ്രാമത്തിൽ പ്രവേശിച്ചതിനെ തുടർന്ന് നിരീക്ഷണ സംഘത്തെ അയച്ചതായി ജില്ലാ ഫോറസ്റ്റ് ഓഫീസർ (ഡിഎഫ്ഒ) അറിയിച്ചു. ചീറ്റയെ കുനോ നാഷണൽ പാർക്കിലേക്ക് തിരികെ കൊണ്ടുവരാനുള്ള ശ്രമങ്ങൾ നടന്നുവരികയാണെന്ന് ഡിഎഫ്ഒ കൂട്ടിച്ചേർത്തു.