ന്യൂഡൽഹി: രാഷ്ട്രീയ തന്ത്രജ്ഞൻ പ്രശാന്ത് കിഷോറിനെതിരെ ജെഡിയു ദേശീയ അധ്യക്ഷൻ രാജീവ് രഞ്ജൻ സിങ് ലലൻ. പ്രശാന്ത് കിഷോർ രാഷ്ട്രീയ പ്രവർത്തകനല്ല ബിസിനസുകാരനാണെന്ന് ആരോപിച്ച് ലലൻ ആരോപിച്ചു. മുഖ്യമന്ത്രി നിതീഷ് കുമാറിന്റെ 'ഓഫർ' നിരസിച്ചുവെന്ന കിഷോറിന്റെ അവകാശവാദം തള്ളിക്കൊണ്ടാണ് ജെഡിയു നേതാവ് രാജീവ് രഞ്ജൻ സിംഗിന്റെ പരാമർശം. നിതീഷ് കുമാറും പ്രശാന്ത് കിഷോറും തമ്മിലുള്ള കൂടിക്കാഴ്ചയ്ക്ക് പിന്നാലെയാണ് ജെഡിയു പ്രസിഡന്റിന്റെ പ്രതികരണം .'പ്രശാന്ത് കിഷോർ കുറച്ചുകാലമായി ബിജെപിക്ക് വേണ്ടി പ്രവർത്തിക്കുന്നുണ്ടെന്ന് ഞങ്ങൾക്കറിയാം. ബിജെപിയുടെ ഒരു ഏജന്റ് അടുത്തിടെ മജിസ്ട്രേറ്റ് പരിശോധനയ്ക്കിടെ പിടിക്കപ്പെട്ടു. മുൻ ജെഡിയു ദേശീയ അധ്യക്ഷൻ ആർസിപി സിങ്ങിനെ പരാമർശിച്ച് 'അദ്ദേഹം പറഞ്ഞു.

പ്രശാന്ത് കിഷോർ ഒരു രാഷ്ട്രീയക്കാരനല്ല ബിസിനസുകാരനാണ്. കിഷോറിന് പാർട്ടി ഒന്നും വാഗ്ദാനം ചെയ്തിട്ടില്ല. നിതീഷ് കുമാറുമായി കൂടിക്കാഴ്ച നടത്താൻ അദ്ദേഹം തന്നെ താൽപ്പര്യം പ്രകടിപ്പിക്കുന്നു. മുഖ്യമന്ത്രിയെ കാണുന്നതിന് മുമ്പ് അദ്ദേഹം തന്നെ ഡൽഹിയിൽ വെച്ച് കണ്ടു. പാർട്ടിയിലേക്കുള്ള തിരിച്ചുവരവിനെ കുറിച്ചും അദ്ദേഹം സംസാരിച്ചുവെന്നും രാജീവ് രഞ്ജൻ സിങ് പറഞ്ഞു.

പാർട്ടി അച്ചടക്കം പാലിക്കാൻ സമ്മതിച്ചാൽ പരിഗണിക്കാമെന്നു പറയുകയുണ്ടായി. തുടർന്ന് അദ്ദേഹം നിതീഷിനെ കാണാനുള്ള ആഗ്രഹം പ്രകടിപ്പിച്ചിരുന്നു. നിതീഷ് കുമാറിനെ കണ്ട വിവരം മാധ്യമങ്ങളെ അറിയിച്ചത് അദ്ദേഹമാണ്. അവർ ബിജെപിക്ക് വേണ്ടി പ്രവർത്തിക്കുന്നുണ്ടെന്ന് എല്ലാവർക്കും അറിയാമെന്നും രാജീവ് രഞ്ജൻ സിങ് ആരോപിച്ചു.

പ്രധാന എതിരാളികളായ ലാലു പ്രസാദിനോടും കോൺഗ്രസിനോടുമുള്ള നിതീഷ് കുമാറിന്റെ സഖ്യം പ്രധാനമന്ത്രിയുടെ തീവ്രമായ പ്രചാരണത്തിനിടയിലും ബിജെപിയെ പരാജയപ്പെടുത്തി. അദ്ദേഹത്തെ പിന്നീട് ബിഹാർ മുഖ്യമന്ത്രിയുടെ ഉപദേശകനായി നിയമിച്ചു. 2018ൽ അന്ന് ജെഡിയു ദേശീയ പ്രസിഡന്റായിരുന്ന നിതീഷ് കുമാർ കിഷോറിനെ പാർട്ടിയിൽ ഉൾപ്പെടുത്തുകയും ദേശീയ വൈസ് പ്രസിഡന്റ് സ്ഥാനം നൽകുകയും ചെയ്തിരുന്നു. സിഎഎ-എൻപിആർ-എൻആർസിക്കെതിരായ കിഷോറിന്റെ തുറന്നുപറച്ചിൽ 2020 ൽ അദ്ദേഹത്തെ പാർട്ടിയിൽ നിന്ന് പുറത്താക്കുന്നതിലേക്ക് നയിച്ചു.

ജെഡിയുപ്രശാന്ത് കിഷോർലലൻ സിങ്