ശബരിമല തീർത്ഥാടകരുടെ കാർ അപകടത്തിൽ പെട്ടു; ഒരാൾ മരിച്ചു; മൂന്ന് പേർക്ക് പരിക്കേറ്റു

കൊച്ചി: പെരുമ്പാവൂരിനടത്ത് കീഴില്ലം പരുത്തുവയലിപ്പടിയിൽ ശബരിമല തീർത്ഥാടകരുടെ കാർ അപകടത്തിൽ പെട്ടു. ഡ്രൈവർ കർണാടക കൂർഗ് ജില്ല സ്വദേശി ചന്ദ്രു മരിച്ചു. ശബരിമല ദർശനം കഴിഞ്ഞ് മടങ്ങി വരികയായിരുന്ന വാഹനമാണ് അപകടത്തിൽപ്പെട്ടത്. മൂന്ന് അയ്യപ്പ ഭക്തന്മാർക്ക് പരിക്കേറ്റു. നിയന്ത്രണം വിട്ട കാർ വഴിയരികിലെ സ്വകാര്യ വ്യക്തിയുടെ മതിലിലേക്കും സമീപത്തെ മരത്തിലേക്കും ഇടിച്ച് കയറുകയായിരുന്നു. ഉച്ചയ്ക്ക് രണ്ടുമണിയോടെയാണ് അപകടം.