'എല്ലാ ദിവസവും മോദി പിറന്നാൾ ആഘോഷിക്കട്ടെ'; മെഗാ വാക്സിനേഷന് പിന്നാലെ വാക്സിൻ നിരക്ക് കുറഞ്ഞതിനെ പരിഹസിച്ച് ചിദംബരം
- Share
- Tweet
- Telegram
- LinkedIniiiii
ന്യൂഡൽഹി: പ്രധാനമന്ത്രി നരേന്ദ്ര മോദിയുടെ പിറന്നാൾ ദിനത്തിൽ നടന്ന മെഗാ വാക്സിനേഷന് പിന്നാലെ വാക്സിൻ നിരക്ക് കുറഞ്ഞതിനെ പരിഹസിച്ച് കോൺഗ്രസ് നേതാവ് പി ചിദംബരം. ഇങ്ങനെയാണെങ്കിൽ എല്ലാ ദിവസവും പ്രധാനമന്ത്രി നരേന്ദ്ര മോദി പിറന്നാൾ ആഘോഷിക്കട്ടെ എന്നായിരുന്നു അദ്ദേഹം ട്വീറ്റ് ചെയ്തത്.
Now you know what I meant when I said "let PM celebrate his birthday every day"! pic.twitter.com/5Yw0vG8dnQ
- P. Chidambaram (@PChidambaram_IN) September 19, 2021
മോദിയുടെ 71-ാം ജന്മദിനമായിരുന്ന വെള്ളിയാഴ്ച 2.5 കോടി ഡോസ് വാക്സിൻ വിതരണം ചെയ്ത് രാജ്യം റെക്കോർഡ് നേട്ടം സ്വന്തമാക്കിയിരുന്നു. എന്നാൽ ഇതിന് പിന്നാലെ വാക്സിനേഷൻ നിരക്ക് കുറയുകയായിരുന്നു. ഇതിനെതിരെ കോൺഗ്രസ് നേതാവ് രാഹുൽ ഗാന്ധിയും രംഗത്തെത്തിയിരുന്നു. രാജ്യത്തെ വാക്സിനേഷൻ കണക്കുകൾ പങ്കുവെച്ചു കൊണ്ടായിരുന്നു ഇരുവരും വിമർശനമുന്നയിച്ചത്.
മോദിയുടെ പിറന്നാൽ ദിനത്തിൽ മാത്രം വാക്സിനേഷൻ കുത്തനെ വർധിക്കുകയും അതിന് മുമ്പും ശേഷവുമുള്ള ദിവസങ്ങളിൽ വാക്സിനേഷൻ കുറഞ്ഞുവെന്നുമായിരുന്നു രാഹുൽ ഗാന്ധി ചൂണ്ടിക്കാട്ടിയത്.
ഒറ്റദിവസം 2.47 കോടി ഡോസ് വാക്സിൻ കുത്തിവെപ്പ് നടത്തിയ ചൈനയുടെ റെക്കോർഡ് പിന്തള്ളിയാണ് വെള്ളിയാഴ്ച വാക്സിനേഷനിൽ ഇന്ത്യ ഒന്നാമതെത്തിയത്.
ന്യൂസ് ഡെസ്ക്