ചെന്നൈ: വിവാഹമോചന വാർത്തകളാണ് സിനിമാ ലോകത്തിന് പൊതുവേ പഥ്യം. പിരിഞ്ഞു കഴിഞ്ഞാൽ വീണ്ടുമൊരു കൂടിച്ചേരലൊക്കെ അപൂർവ്വങ്ങളിൽ അപൂർവ്വമായി മാത്രം നടക്കുന്നതാണ്. അത്തരമൊരു വാർത്തയാണ് ഇപ്പോൾ സിനിമാലോകത്ത് നിന്നും വരുന്നത്.
നടി പ്രിയ രാമനും നടൻ രഞ്ജിത്തും വീണ്ടും ഒന്നിച്ചെന്ന റിപ്പോർട്ടുകളാണ് പുറത്തുവരുന്നത്.പ്രിയ രാമനൊപ്പമുള്ള ചിത്രം പങ്കുവച്ചുകൊണ്ട് രഞ്ജിത്ത് ഒരു കുറിപ്പ് പോസ്റ്റ് ചെയ്തിട്ടുണ്ട്. 22ാം വിവാഹ വാർഷികദിനത്തിലാണ് വീണ്ടും ഒന്നിച്ചു ജീവിക്കുന്നുവെന്ന് ഇവർ വെളിപ്പെടുത്തിയത്.

അത്തരത്തിൽ തന്റെ ഭർത്താവാണ് രഞ്ജിത്തെന്ന് പ്രിയ രാമൻ മറ്റൊരു വീഡിയോയിൽ പറയുന്നുണ്ട്. ഇരുവർക്കും ആശംസകൾ നേർന്ന് നിരവധി പേർ പോസ്റ്റിന് താഴെ കമന്റ് ചെയ്തിട്ടുണ്ട്.1999ൽ പുറത്തിറങ്ങിയ നേസം പുതുസ് എന്ന ചിത്രത്തിലൂടെ പ്രണയത്തിലായ ഇവർ അധികം വൈകാതെ വിവാഹിതരായി. 2014ലാണ് വേർപിരിഞ്ഞത്. അതേ വർഷം രഞ്ജിത്ത് രാഗസുധയെ വിവാഹം ചെയ്തെങ്കിലും തൊട്ടടുത്ത വർഷം വേർപിരിഞ്ഞു. പ്രിയ രാമൻ- രഞ്ജിത്ത് ദമ്പതികൾക്ക് രണ്ട് ആൺമക്കളാണ് ഉള്ളത്.

പ്രിയരാമൻരഞ്ജിത്ത്‌

മറുനാടന്‍ മലയാളി

    മറുനാടന്‍ മലയാളി ബ്യൂറോ